當日《1+1》未拍成播放之前,對於導演賴恩慈(阿毛)的可能只有一堆冷言冷語,大概沒有人想像到《1+1》能夠在土地及國際影壇大放異彩。一句評審的「To be international, you have to act local.」,肯定了在選材上的正確。其實不論當日的《1+1》到今天受香港亞洲電影節邀請的《N+N》,阿毛想堅持想說的話,其實很簡單。

電影《N+N》劇照

「拍完左《1+1》之後,我仲有野想講,《1+1》只係講左個開頭,當時菜園村仲未拆,我不斷係到想像,呢個地方無左會係點?」《N+N》對她來說,就是從這一個小問題不斷地蘊釀、發酵而成:「記得有一次返到去,我係拍《1+1》時同一個角度望過去,當時見到好似打完仗咁。」此情此景,對曾經長時間留在菜園村的阿毛來說不可謂不感概,她無法想像原來真的可以有一種力量把一條活生生的村落連根拔起,她肯定的道:「我知道故事未完,有一個最大既動力去拍(《N+N》)。」


阿毛將《1+1》由短片化為長篇電影,視角由菜園村,轉到去整個大議題:到底香港應該如何發展?阿毛繼續解釋她的電影意念:「《N+N》裡面有好多唔同事件,但都係圍繞住香港城市既發展,《N+N》既意思係希望搵到多啲可能性,即係有N個可能性,所以電影唔係講緊單一議題,而係講緊香港城市發展多角度既議題。」

但如何討論,參與這個議題,就好像參與一場巨大的戰爭,對手就是一部國家機器,戰場就散落在香港的每一呎角落。「好開心亞洲電影節選係呢個時段播,因為好配合而家講緊既議題,就係新界東北同中港融合,因為個個係比菜園村一個更大既摧毀。亦都係一個更大既『發展就是硬道理』既議題。」對於阿毛來說,探討這個議迫切性,是由《1+1》到《N+N》之間的最大分別。


「保育係保育緊一種感情,感情係要用時間去建立,如果摧毀用時間建立出黎既感情,香港會變得好危險,」阿毛如此假設:「如果香港發生好大既災難,有海潚或者唔同既災難,可能一個月兩個月內,香港會變成一個空城,因為香港呢個地方,缺乏感情。」其實細心設想一下,大概就能知道阿毛的這一番話並非危言聳聽。

然而,情況雖然惡劣,但未到終局,我們仍然能夠把握近乎N個的可能性,和希望。「最令我感動既,係一班村民,甚至係非村民既80後,願意企出黎,咁香港人又願唔願意為香港企出黎呢?」阿毛對這一個問題抱持了樂觀的態度:「我諗另一班generation,由80後去到90後,佢地並唔係immigrate過黎,可能上一代會帶住一種過客既感情。但呢一代會帶住好多係香港土生土長,所以佢地既愛係有根基既。」


電影《N+N》劇照

由當搜集資料時,到看過電影的內容,再到專訪過後,阿毛給予了一種非常堅持的「氣場」(之後在報導中竟發覺她曾真的有「賴堅持」的一個花名!),但退後一步再想,這種堅持,何嘗不是要由一種感情才可以灌溉得出?還希望《N+N》能夠將《1+1》中的富貴竹的寄望和堅持,在香港遍地花開!

《N+N》開幕電影 on Timable:
http://www.timable.com/event.php?eid=70263

香港亞洲電影節 電影一覽 on Timable:
http://www.timable.com/page/hkaff

訪問及撰文: 石仔
攝影: Vennisa Mok