周末懷舊味道 到荔園尋覓兒時滋味

啲八十後細個周未嗰陣就去荔園玩，而家荔園呢個兒時回憶竟然踩過界，搞埋餐廳，大賣香港特色小食咁話喎！佢哋9號就正式開幕，等小T帶大家去睇下啲回憶有冇返返嚟先！


呢間荔園茶餐廳嘅天花就有旋轉木馬吊飾及拱形木吊燈，話營造返以前荔園感覺喎！小T就未去過荔園喇，去過荔園嘅你哋又覺得有冇feel呢？

聽講荔園茶餐廳嘅「招牌菜」部份不乏昔日的荔園情懷，當中包括久違了的荔園雞脾將再次登場，登！櫈！「荔園招牌炸雞脾配豉油皇銀芽炒麵」！大廚特別選用每隻300g的美國珍寶雞脾，配合雜菜及香料浸泡3小時，先蒸後炸保證外脆內軟，再配上香港經典美食豉油皇銀芽炒麵，務求帶來雙重回憶，雙重享受。

「荔園招牌炸雞脾配豉油皇銀芽炒麵」
（港幣78元）

其次推介的是擁有著荔園茶餐廳大廚昔日回憶的「童年時外婆釀糯米烤雞」。喺設計菜單時，大廚回憶起童年時跟外婆到荔園遊玩，除了樂園內各式各樣的遊戲與動物令他樂而忘返，最令他回味無窮的是外婆每次在遊園後都會帶他吃「釀糯米烤雞」；香噴噴的糯米飯加上鮮味的肉汁為他帶來美好的童年回憶。為了保留這段溫馨的回憶，大廚在開業前用心鑽研，並採用法國極品春雞，釀入糯米、冬菇、臘腸和臘肉先蒸後焗，中西合壁，將童年美好延續。

「童年時外婆釀糯米烤雞」(原隻)（港幣158元）

而昔日荔園恐龍屋代言人DINO亦會統領招牌咖哩系列，當中包括：「咖哩配慢溫牛肋肉」和「咖哩配煎香草雞扒」。此外，菜單一方面保留經典的美食，亦特別融合傳統與現代的烹調手法，創造出與眾不同的新派茶餐廳美食，如「『煎Pan』粒粒西多士」同埋「焦糖溫泉蛋西多士」等，真係聽到都流晒口水呀！

「『煎Pan』粒粒西多士」（港幣28元）

「焦糖溫泉蛋西多士」（港幣36元）

「咖哩配慢溫牛肋肉」（港幣78元）

「鮮菠蘿冰」（港幣31元）

荔園茶餐廳
地址: 尖沙咀加連威老道12-16號加連威大廈地下12號鋪