心意之選！手製母親節禮物

母親節就到啦，各位孝順仔女們諗到送咩未呢！次次送真花，撞正節日貴之餘，又擺唔耐，咁有冇考慮過改送盆景或永生花呢？自製既有心意，仲可以擺好耐添。下面為大家介紹幾個又特別又擺得嘅款式，快啲睇定日子報名整啦！

苔燈泡工作坊
無睇錯！呢款盆景係用燈泡做器皿，加埋石粒、水苔、苔蘚、細模型，自己親手鋪拼出獨一無二嘅盆景。重點係超易打理，只需要見到佢乾躁時，幫佢灑下水，好簡單已經可以令小宇宙保持常綠。

提埋你，如果屋企有舊鎢絲燈泡記得拎埋去，工作坊會比返個小優惠你，又可以環保，一石二鳥so easy～
傳送門→ https://timable.com/event/1788901

皮革康乃馨工作坊
想應節送返康乃馨嘅都可以試下用皮革整，一嚟皮質地夠哂特別，二嚟真係擺到天荒地老都得，加埋玻璃罩保護，擺耐咗抹下塵就乾淨返。
傳送門→ https://timable.com/event/1795370

保鮮花製作工作坊
呢個工作坊係用保鮮花製作，既係真花又可以擺到三年左右。加上工作坊有多款器皿提供選擇，實有一款啱你心水。佢仲有分一人價錢同二人價錢，約埋朋友整會抵啲嫁，一於放假約埋朋友邊整邊玩！
傳送門→ https://timable.com/event/1787911

保鮮花立體相框．花藝工作坊
想再特別啲嘅考慮下呢個保鮮花立體相框，將保鮮花置係一邊，有玻璃面封起，唔洗驚難清潔；另一邊係相框，可以放置4R嘅相。保鮮花嘅鮮艷可以保持3年左右，到時可以再另外放置其他裝飾。
傳送門→ https://timable.com/event/1784846

記住送禮當然係心意至上！如果上面工作坊都唔啱心水，可以睇埋其他，實有啱你心水嘅，自己整禮物都無難度！
http://bit.ly/2E1EGpB


撰文：SN
圖片來源：網絡