【香港周圍遊】大埔林村綠色空間 仙人掌愛好者必去

之前介紹過好多間餐廳小店，今次就有小小唔同！唔再係餐廳或者咖啡店，而係一間植物小店兼綠色空間。小T起初係俾店主悉心擺設嘅環境所吸引，店內每個角落都係靚靚打卡位。



Botanic Union位於大埔林村，未至於偏遠得難以到達，但就有一種小旅行嘅感覺。店內有各式各樣嘅綠色植物，望到綠油油嘅畫面，心情都會變好！如果你鍾意仙人掌、空氣草等等綠色植物，更加可以為買返屋企，店主會教埋你打理嘅方法，就算冇種植經驗都唔怕。



除咗出售植物，店主本身都係植物愛好者，所以努力推廣綠植文化，希望透過Botanic Union連繫志同道合嘅朋友。所以小店仲有植物藝術創作、園藝工程及設計、工作坊同團體預約企業參訪。免費提供團隊預約場地導覽同參觀，有導覽員為你介紹各式種類嘅植物，從種植過程中了解同植物之間嘅連繫、生活方法以及學習點樣種植自己所屬嘅盆栽，小店提供免費咖啡茶水，令到訪嘅朋友喺城市中融入植物，為自己帶嚟一個休息空間。




渴望喺城市中搵一片綠洲嘅你，今個週末就去Botanic Union行吓啦！



Botanic Union

營業時間:
星期一至日
10:00 - 18:00

地址:
大埔林村較寮下65號(坑溪里入）

圖片來源: Botanic Union
撰文: Zoe