相信大家今年新年都會減少外出聚會,想安在家中同家人食餐好,可以參考吓以下推介!(小T真係食過好食先推㗎~)

氣炸先生 Mr. Roast



盆菜係新年必備嘅菜式!唔想自己準備咁辛苦,小T有好食盆菜推介。氣炸先生嘅海鮮盆菜超足料,適合4-6人食用。盆菜由十六種配料製成,包括大虎蝦、九孔鮑、大元貝等等。如果想再豪氣啲,可以選擇「至尊龍蝦海鮮盆菜盛」,會多三隻大龍蝦,啱哂打卡!中間底部嘅元蹄亦係小T推介菜,非常入味,用刀輕輕一介已經可以拆到肉。



訂購佢哋嘅盆菜係有送上門服務(部份地區需額外收費),真係足不出戶就買到,好方便!佢哋使用保溫袋包裝,入面一盒盒龍蝦放好,基本上你只需要準備電磁爐就食得。 左中兩枝係鮑魚湯汁,好香好濃,只要倒哂入盆中再煲滾就可以食!另外仲有家樂牌清雞湯1L裝、鴻福堂自家製涼茶2支、精美利是封1套,好豐富啊!


除咗年三十晚,其他日子仍開放訂購中。有興趣嘅朋友可以透過Whatsapp落單:https://bit.ly/3mNjGGS


千の味刺身壽司專門店

網上圖片

小T已經自購幫襯過千の味幾次,絕對係誠意推介!千の味係港式日本菜嘅口味,價錢合理之餘,亦好好食。火炙盛盒同炸物拼盤都係每次會點嘅菜式。

火炙盛盒


火炙芝士三文魚壽司
火炙三文魚腩壽司
火炙芝士熟蝦壽司
火炙芝士鰻魚壽司
火炙左口魚壽司

炸物拼盤


吉烈炸蠔
吉烈炸蝦
七味雞翼
炸餃子

如果想訂購千の味刺身壽司專門店嘅朋友仔,可以登上佢哋嘅網下落單,再以Whatsapp確認訂單,外賣就送到你屋企㗎啦!
https://www.oi-shi-sushi.com/

逸東軒


如果想豪氣小小,可以考慮逸東軒嘅新春鮑魚盆菜。逸東軒係屢獲殊榮嘅米芝蓮一星食府,位於香港逸東酒店。佢哋嘅盆菜選用上乘食材炮製,包括原隻十頭鮑魚、頂級蠔豉、豬婆參、鰵膠、蠔豉、瑤柱甫、大蝦同燒鵝等超過十四款配料。盆菜只限外賣自取,想睇詳情同優惠可以睇以下連結。

新春鮑魚盆菜及新春外賣自取菜單85折:
https://timable.com/event/1966517

祝大家新年快樂!