西區喺近年來大受文青歡迎嘅打卡熱點,最近又名「Instagram Pier」嘅西環碼頭由於疫情關係暫時唔再開放比公眾。即使喺咁,西區都仍然有好多好去處同靚景㗎,今次就為大家介紹下一個尤其適合親子放電嘅好地方啦!


位於堅尼地城嘅卑路乍灣海濱休憩用地喺2020年正10月式開放,呢度前身喺公眾貨物起卸區,依家優化後加入咗唔少休憩設施,連埋維港西面嘅無敵海景,已經變身成為夠哂Chill嘅休閒空間。呢段海濱用地仲喺24小時開放㗎! 所以無論你鍾意睇日落、夜晚靜靜地欣賞維港夜景,抑或喺朝早嚟曬曬太陽散散步,都好適合!


休憩用地環境相當開揚,包含咗中間最大嘅活動空間、流動設施、遮蔭座椅、洗手間,更加喺寵物共享空間,只要綁好寵物帶/繩就可以帶埋毛孩一齊嚟散步; 盡頭位置亦設有寵物角,可以比寵物更加無拘無束咁盡情玩。



中間嘅多用途活動空間,放置咗唔少可移動卡板,市民可以隨意搬動,亦可以用嚟休息,小朋友仲可以發揮創意用嚟砌出佢地嘅小天地,加咗滑輪嘅卡板更可以用嚟當滑板咁玩!



而呢度每逢節日都會增加節日元素,好有節日氣氛! 正值新春期間,設有農曆新年限定裝置,增設咗一個大型全盒,佢唔單只喺一個裝飾,仲喺一個氹氹轉呢! 不過除咗常備嘅卡板、遮蔭座椅等等,其他節日裝置都喺期間限定,節日過後基本上大概半個月左右就會拆除,想要打卡嘅朋友就要襯早呢!


而旁邊嘅綠化空間「堅 ‧ 農圃」正分階段落成中,雖然工程未完成,但係每逢星期日都會舉行「周日農耕樂」,啱哂一家大細一齊體驗有機耕種,只要預先網上預約就可以免費參加。另外,現場自家種植嘅香草喺可供購買嘅,即買即剪,保證新鮮!

想去卑路乍灣海濱休憩用地都好方便,可以乘搭港鐵去堅尼地城站A出口,向著海濱方向行大約8分鐘,喺堅尼地城巴士總站旁邊就喺入口喇。搭巴士嘅話可以選擇18P/18X/47P/88X/113/904號,去到堅尼地城(卑路乍灣)巴士總站落車就可以到達!

一個地方唔夠玩? 出咗卑路乍灣海濱休憩用地向中環方向行大約15分鐘,可以去到中西區海濱長廊,入口就喺西環碼頭旁邊。成個公園分咗四個部分:「孩子遊園地」、「木板空間」、「草地」及「碼頭臨海設施」,而當中比較推薦嘅就係海中心公園,同一般嘅遊樂場設施有啲唔同,以碼頭同海洋作為主題,設施以木質設計為主,仲有黃色吊臂裝置同木製貨箱作為裝飾,非常搶眼!



如果想直接去海中心公園,可以乘搭港鐵去香港大學站B2出口向海邊方向直行,或者乘搭電車喺石塘咀總站落車就到達了。

提提你,疫情下記得保持衛生,好好保護自己,咁就玩得開心又放心啦!


撰文: HL