實體展覽陸續恢復,嚟到5月又點可以錯過參與年度藝術盛事 – Art Central 同Art Basel?而家搭東鐵綫過海超方便,5分鐘就可以由紅磡直達會展站,經B3出口步行去香港會議展覽中心都只係需約4分鐘,大大拉近你同藝術嘅距離~



【參與兩大藝術盛會 會展站近在咫尺】

Art Central
今屆除咗有更多嘅參展畫廊外,Art Central 將於展期內舉行豐富活動,其中包括公共藝術裝置,以及由教育合作伙伴亞洲協會香港中心策劃嘅一系列講座同新錄像藝術,保證引人入勝。


日期(公眾參觀):2022年5月26日 - 29日
詳情:https://timable.com/event/2112659



Art Basel 巴賽爾藝術展香港展會 2022
今年嘅Art Basel 於「藝廊薈萃」、「亞洲視野」及「藝術探新」展示 130 間參展藝廊代理嘅作品。現場設有多個獨立衛星展位,俾嚟自亞洲以至世界各地、因旅遊限制而未能親身蒞臨現場嘅藝廊展示佢哋出色嘅策展項目,並由巴塞爾藝術展委託本地代表向觀眾現場介紹不同作品。

相片由巴塞爾藝術展提供

日期(公眾參觀):2022年5月27日 - 29日
詳情:https://timable.com/event/2003546

交通方法:東鐵綫會展站B3出口步行約4分鐘



【會展站人氣藝術牆 沿綫藝術品列陣】

想再近距離啲欣賞藝術作品?東鐵沿綫車站都有唔少隱藏嘅藝術品等你發掘,由全新會展出發搭一個站去紅磡或金鐘站都有,即睇以下介紹:

第一站 - 會展站《水記憶》


新建會展站內最受市民關注嘅,除咗係建造車站時喺工地發現嘅AN-M65型戰時炸彈外,當然仲有橫跨三層嘅巨型藝術牆《水記憶》。

呢個巨型攝影馬賽克係由本地藝術家梁志和創作,放置於由大堂通往月台樓梯面向維港嘅牆身。藝術家為咗呢個規模龐大嘅作品,用咗超過一年實地拍攝收集圖像拍攝日出至日落之間不同時刻嘅維港海浪,合共影咗8千幾幀相片,最後組合約1,200幅不同型態嘅海浪相片放喺牆身,猶如將車站沉浸喺海浪之中,吸引好多人喺度打卡影相提提大家影相時注意安全呀!

地點:會展站-車站大堂和上下層月台樓梯



第二站 - 金鐘站《引領前行》


東鐵綫延伸過海後,金鐘站即成為超級轉車站,連接東鐵綫、荃灣綫、港島綫及南港島綫,因此啟發美國藝術家Talley Fisher,創作出金鐘站壯觀嘅懸浮雕塑《引領前行》。於多條扶手電梯之上懸掛巨型雕塑,設計概念源自港鐵路綫圖嘅影像,象徵金鐘站四綫匯聚,見到四條路綫相互交錯,自不然令人聯想到乘客熙來攘往嘅情境。

地點:金鐘站-大堂中庭近E出入口



第三站 - 紅磡站《失而復得》


東鐵綫紅磡站轉用新月台環境舒服好多。大家等車時不妨探索下喺東鐵綫同屯馬綫月台不同位置擺放嘅藝術裝置,名為《失而復得》。作品由藝術家林嵐創作,利用石材、金屬同鋁等素材作雕塑,並以抽象手法展現不同年代嘅行李,再配合月台地上經典尼龍袋圖案,令作品更豐富有趣。

地點:紅磡站-上層及下層月台

了解更多港鐵車站藝術:http://www.artinmtr.com.hk/ 



延伸閱讀:


【中環好去處2022】Art Basel必睇打卡位一覽 精選作品推介|香港藝術家以MIRROR作靈感+BTS隊長RM同系列藝術品收藏
詳情:https://timable.com/blog/2205596


【藝文青】編輯推介5月份展覽
詳情:https://timable.com/blog/2191110

【中環好去處2022】5-6月中上環藝遊 必睇展覽活動一覽 大型藝術盛事
詳情:https://timable.com/blog/2201543

【香港野餐2022】港島區野餐地點推介|靚景睇日落|週末好去處
詳情:https://timable.com/blog/2173447

【香港郊遊路線2022】港島熱門靚景打卡位|輕鬆到達最啱睇日落|週末好去處
詳情:https://timable.com/blog/2169446




Follow埋Timable FB同IG
FB:https://www.facebook.com/timable.hk
IG:https://www.instagram.com/timable/

立即下載Timable App,隨時隨地捕捉本地活動資訊
iOS/Android: https://bit.ly/timable_app