【藝文．生活】香港故宮文化博物館7月開幕 九大展廳重點館藏率先睇 國寶級文物/限定1個月展覽
author: Timable, 22 Jun 2022 (Wed) 9:06am
香港故宮文化博物館將於今年7月2日正式開幕，博物館樓高7層，設計參照故宮建築特色，佔地約 1.3 萬平方米，館內總共有逾900件由北京故宮博物院借出嘅文物，其中166件更喺國家一級文物！博物館共設有九個展廳，其中展廳1-7為常設展覽，展廳8-9為特別展覽，展期較短。
香港故宮內有好多從未展示過嘅故宮藏品，好奇裡面有咩睇？等小T們帶大家率先睇吓展館內嘅焦點館藏、必睇展廳，文物愛好者千萬唔好錯過！
展廳 1 紫禁萬象： 建築、典藏與文化傳承
展覽1透過 179 件故宮典藏介紹清代嘅紫禁城，從中令人了解紫禁城嘅建築、生活文化、藝術及與世界各地嘅交流接觸。
呢個白玉盤龍紐「大清受命之寶」為國家一級文物，呢個玉璽為昭告天下天子登基之用，清代皇權嘅象徵，絕對係展廳1內必睇嘅藏品！
展廳 2 紫禁一日： 清代宮廷生活
展覽2帶大家走入紫禁城內，體驗當時帝后嘅日常。整個展廳分為9部分，以時間為脈絡，透過300多件文物，重現當時宮中人物嘅日常生活情景。而展廳 2更係9個展廳中最大，佔整個1樓。
五爪龍紋並唔係皇帝專屬，但依據乾隆朝冠服制度，只有皇帝嘅袍服上先能配有十二章紋。皇帝更要因應唔同場合，穿戴相應款式嘅冠服，乾隆帝曾在一天裡換衣多達七次。
該區以乾隆帝悼念亡妻之作〈夢〉為靈感，藝術家邵志飛及Sarah Kenderdine創作大型多媒體裝置，令觀眾可以在乾隆嘅夢中遊走。
小T認為展廳1-3係必去展廳，如果想感受了解紫禁城嘅生活及文化，展廳1-2絕對滿足到你嘅好奇，其中展廳2嘅設計佈置充滿巧思，比如展廳入口燈光較暗，係模擬乾隆皇帝清晨起床時嘅天色。不妨慢慢細看當中嘅館藏，發掘紫禁城嘅日常。
展廳 3 凝土為器：故宮博物院珍藏陶瓷
展廳3-5都位於2樓，當中展覽3係香港首個大型故宮博物院陶瓷藏品展覽，一共展示169件精品，當中66件為國家一級文物，係最多國寶級文物嘅展覽廳，濃縮整個中國陶瓷史於其中。
展廳 5 器惟求新： 當代設計對話古代工藝
展廳5分為5個部分，以設計、製作及使用三個角度解讀中國傳統工藝，細味中國傳統設計之美。
由宋代「五大名窯」之一嘅定窯所燒造，同類例子傳世品已極為罕見。
左下：各色釉菊花式盤 清雍正（1723–1735 年）
右上：牆上可以欣賞多份文件手稿，工匠製作或改造物件時，皇帝亦有參與設計。
右下：焦點作品 - 乾隆款彩色玻璃螺旋紋撇口瓶 清乾隆
展廳 4 龍顏鳳姿： 清代帝后肖像
展示多幅清代宮廷人物肖像作品，欣賞宮廷人物肖像作品中嘅細節象徵、創作以及修復過程。呢個展廳將會展出唔同宮廷人物肖像，每個展期為三個月，合共一年。
呢張慈禧太后畫稿同屬國家一級文物，佢同埋「大清受命之寶」、乾隆嘅「龍袍」、「白釉孩兒枕」一樣，3個月後就要交還北京故宮，記得要去睇啦～
右下：畫稿唔同位置上有標上色塊及文字，可見宮廷畫師嘅構思創作過程。
展廳 6 同賞共樂：穿越香港收藏史
展廳 7 古今無界：故宮文化再詮釋
前面嘅專題展覽主要介紹故宮嘅歷史與文化，而3樓嘅展廳6-7分別展示香港嘅中國藝術收藏史以及由六位香港藝術家創作並詮釋故宮文化嘅多媒體藝術展。
右：展廳7，吳子昆《物化》
展廳 8 國之瑰寶：故宮博物院藏晉唐宋元書畫
最後兩個展廳8-9為特別展覽，將會定期與故宮博物院及其他海外與内地重要文化機構合辦唔同展覽。展覽8整個展期得3個月，將會分期展出30件中國書畫史上嘅經典作品，全部都係國家一級文物，更會有傳世孤本。每個展期為一個月，各展出其中十件作品。
本幅右上角有瘦金體書「雪江歸棹圖」五字，被認為係宋徽宗趙佶嘅山水畫作，亦為徽宗名下唯一嘅雪景山水畫。
小T覺得嚟到香港故宮，如果你係書畫迷，呢個特別展覽一定要睇！唔單止展期短，裡面嘅作品件件都係名作，點可以錯過～
展廳 9 馳騁天下：馬文化藝術
展覽精選咗111件故宮博物院藏馬文化藝術珍品，亦展出13件來自法國羅浮宮，以馬為主題嘅世界藝術藏品，展期為半年。
全個香港故宮裡面，最大嘅展櫃就係呢幅畫！來自意大利嘅中國宮廷畫家嘅畫作，該馬馬名「獅子玉」，係藏傳佛教格魯派活佛進獻嘅貢品。
逢星期三更開放予公眾免費入場參觀1至7號展廳，不過同樣要預約。
注意！首三個月不設現場售票，想去參觀記得提前預約啦！
立即預訂：https://bit.ly/3tzN2xC
香港故宮文化博物館
地址：九龍佐敦區西九文化區博物館道8號
開放時間：
逢星期一、三、四、日 10:00 - 18:00
逢星期五、六及公眾假期 10:00 - 20:00（逢星期二及農曆年初一及二休館）
交通方式：乘坐港鐵東涌綫或機場快綫到九龍站E出口，沿雅翔道步行至行人天橋。橫過天橋後，即可進入西九文化區及博物館。
亦可以在九龍站E出口轉乘綠色專線小巴26、74、74S或74D直達博物館。
詳細交通及泊車資訊：：https://www.hkpm.org.hk/tc/visit/plan-your-visit#location-and-transportation
攝影：AL
撰文：RO
延伸閱讀：
【香港周圍遊】樂富格仔山 打卡必影紅白色格仔背景 俯瞰九龍靚景 新手輕鬆行
詳情：https://timable.com/blog/2216244
【藝文．生活】香港當代藝術新遊點！ 逾千展藏、6大專題展覽 西九M+遊記
詳情：https://timable.com/blog/2097299
【香港郊遊路線2022】港島熱門靚景打卡位｜輕鬆到達最啱睇日落｜週末好去處
詳情：https://timable.com/blog/2169446
Follow埋Timable FB同IG
FB：https://www.facebook.com/timable.hk
IG：https://www.instagram.com/timable/
立即下載Timable App，隨時隨地捕捉本地活動資訊
iOS/Android: https://bit.ly/timable_app
