【沙田郊遊】沙田廣源登黃牛山 尋石天窗秋冬影芒草

今次介紹呢條行山路徑唔算太偏遠，但屬中高階行山路線。起/終點都係黃泥頭巴士總站，坐車出返沙田市中心都係二十分鐘左右。雖然沿路冇補給，不過起/終點嘅黃泥頭行落啲就係廣源街市，可以掃街食小食。再行遠小小就係石門，一樣有好多食店。來回山頂同花心坑約需四小時，除咗頭段有樹蔭，之後沿路都開陰冇樹蔭。此路徑有一定難度及危險性，適合有行山經驗者，或建議有行山經驗人士陪同，不建議新手行

封面圖片授權:[email protected], [email protected]

(圖片授權: [email protected])

(圖片授權: [email protected]_inti)

(圖片授權: [email protected])

(圖片授權: [email protected])

之後嘅路段比較大斜度，雖則未必要手腳並用，建議行之前要做足拉筋準備，考量自身體能。未去到打卡位之前，一樣有靚景，可以飽覽沙田城門河，望各另一邊就係獅子山，而且沿路空曠，好易見到黃牛石城，即係表示打卡位快到啦！

(圖片授權: [email protected])

如要找石天窗，佢唔係喺山頂，山頂上有石堆，而石天窗就係喺下方。由山頂走落去要十五分鐘，但路徑有啲斜，要小心注意，大家要量力而為，唔好為打卡而打卡，更加唔好做危險動作，同埋緊記要穿著合適衣服及抓地強嘅行山鞋。

(圖片授權: [email protected])

(圖片授權: [email protected])

路線:
在沙田市中心巴士總站->乘車到黃泥頭巴士總站->沿樓梯上->往花心坑走->分岔路口往右邊走->小斜路見「明記花園」上山->往石芽背走->到達黃牛山(山頂有標高柱)

建議巴士路線(沙田市中心巴士總站來往黃泥頭巴士總站):
83S
83K
86

注意:
留意天氣情況
穿著合適服飾 (例如長褲及行山鞋)
建議帶備行山杖及手套
路徑樹蔭不多，需做足防曬
切勿在郊野吸煙
自己垃圾自己帶走

圖片: [email protected], [email protected], [email protected], [email protected], [email protected], [email protected]_inti
撰文: ZOE