屯馬~ 開通~ 真的很興奮~ 屯馬綫終於開通埋土瓜灣及宋皇臺站,講起宋皇臺站,第一時間就聯想起歷史同文物古跡。不如今次就帶大家宋皇臺站一日遊,欣賞歷史遺留落嚟嘅痕跡之餘,仲可以去埋懷舊中醫館同打卡cafe,一邊影相呃like、一邊嘆足全日。放假想同朋友或者伴侶周圍行吓,又唔想去太遠嘅話,不妨就搭屯馬綫入宋皇臺行吓啦!



宋皇臺好去處景點推介 1. 九龍寨城公園

九龍寨城公園係由九龍城寨改建而成,古物古蹟辦事處再將一啲被掘出嘅遺跡及文物,放咗喺公園內或保存為展品,大家去到就可以親眼欣賞吓呢啲歷史嘅見證啦!另外,逢星期六日都會有公眾導賞團,如果想知多啲九龍寨城嘅歷史就唔好錯過啦!

由港鐵宋皇臺站B3出口直行,大約10分鐘就可以到達。公園夠晒大,啱晒一家大細嚟玩足一日。園內分開咗9個景區,包括:「衙府緬昔」、「南門懷古」、「獅子窺園-邀山樓」、「棋壇比弈遊弈園」、「生肖倩影-童樂苑」、「八徑異趣」、「歸璧半亭」以及「四季同馨-廣蔭庭」。

衙府緬昔
衙門景區位於公園的中央,係古時「衙門」大鵬協府及九龍巡檢司衙署所在地,衙門前庭兩側展示咗兩尊清嘉慶七年(公元1802年)建造嘅大炮。


南門懷古
戰後,寨城因缺乏政府監管而淪為罪惡溫床。香港政府以一個月時間,清拆寨城內缺乏監管及無穩妥地基的樓宇。當時喺南門原址,發掘咗分別刻有「南門」及「九龍寨城」的花崗岩石額。此外,城牆殘存的牆基、一條沿內牆建造的排水溝及旁邊的石板街亦先後出土。昔日南門遺址,今天已列為法定古蹟,遊人可以從當年遺下嘅樓宇鋼筋水泥,窺見在「三不管」年代,寨城內三萬多低下階層人士嘅居住環境。


獅子窺園-邀山樓
邀山樓有兩層高,造形仿似一條船,泊於岸邊;旁邊嘅長廊似船纜,前面嘅叠石則似波浪。遙望遠處,獅子山就好似探頭窺視園中動靜,因而命名「獅子窺園」。


九龍寨城公園
地址:香港九龍九城東正道
公園開放時間 : 星期一至日上午6:30至晚上11時
展覽館開放時間:星期一至日上午10時至下午6時 (逢星期三休館)



宋皇臺好去處景點推介 2. 牛棚藝術村

牛棚藝術公園經活化及改建而成,係香港二級歷史建築,前身為馬頭角牲畜檢疫站。牛棚最大特色兼打卡位,就係園內嘅紅磚牆,以及暗綠色木門。園區佔地6千平方米,設計以牛棚歷史為主題,設施包括避雨亭連座椅及草坪休憩區。


牛棚藝術村
地址:香港九龍馬頭角馬頭角道63號
開放時間 : 星期一至日上午7時至晚上10時



宋皇臺好去處景點推介 3. 宋皇臺公園

公元1941年,日軍佔領本港時,因擴建啟德機場,便將聖山上巨石炸開,用以建築機場,刻有「宋王臺」三字之巨石,則幸能保存。1945年本港重光,政府為保存古蹟,於聖山原址之西興建「宋王臺公園」,並將此巨石削為四方形,移置宋皇臺公園內。


宋皇臺公園
地址:香港九龍城馬頭涌道與宋王臺道交界
開放時間 : 星期一至日上午7時至晚上11時



宋皇臺 Cafe推介 1. 中醫館咖啡店

呢間咖啡店前身為「大和堂參茸藥行」,有超過80年歷史,店外嘅金漆牌匾加上店內嘅百子櫃,的確古色古香,好有舊香港嘅特色,亦引嚟唔少電影導演取景拍攝。


咖啡店主打西式菜餚,當中以「雞蛋仔與雞」最有噱頭,港式雞蛋仔配炸雞,再淋上薑汁糖漿或西檸汁。原來廚師喺炸漿裡面加入梳打水,即刻令炸雞比街外嘅更加脆口。配埋酸酸甜甜嘅西檸汁,更加開胃清新。仲有以鴨肝取代牛油嘅「大和堂菠蘿油」,自家製菠蘿包外脆內軟。配上桂花酒浸泡嘅厚切鴨肝,口感紮實,香氣四溢。


大和堂咖啡店
地址:香港九龍城衙前塱道24號地舖
營業時間:星期一至日上午8時至晚上11時(逢星期一休息)



宋皇臺 Cafe推介 2. 簡約木系咖啡店

簡約木系cafe任何時候都咁受歡迎,今次推介呢間咖啡店,無論店外或店內都係用木材設計,簡約風格,唔會太過花巧,啱晒同閨蜜坐喺入面傾偈,舒舒服服嘆足一個下午。


「牛油果蛋多士」將牛油果排成玫瑰花形,好睇又好食。仲又超級足料嘅 All Day Breakfast,夠晒飽肚!


Rings Coffee
地址:香港九龍城衙前塱道8號地舖
營業時間:
星期一至五上午7:30時至晚上6時
星期六日上午8:30時至晚上6時

撰文:Athena