農曆新年快到,原來唔講唔知,新年有好多傳統習俗同禁忌要留意㗎!想今年順風順水,就睇下小T整合嘅農曆新年宜忌習俗懶人包,一文睇哂初一到初九新年期間有咩要做先~




年廿四、年廿五:準備傳統賀年食品
根據傳統習俗,新年期間唔可以開爐。所以年廿四「開炸」,即開油鑊製作油炸食品,如煎堆、炸油角等,而年廿五「蒸糕」,將會準備蒸蘿蔔糕、年糕等。因為油炸食物色澤金黃有旺氣、糕點亦有步步高升意思,準備呢啲食品,寓意新一年將會更旺。

年廿八:洗邋遢
所謂「年廿八、洗邋遢」,每到年廿八,就要全家總動員大掃除。將舊事黑氣全部清走,去舊迎新,咁先可以迎接財神同旺氣入屋!


年廿九:貼揮春、用碌柚葉沖涼
年廿八大掃除後,就可以佈置家居,準備迎接新一年!呢一日仲可以用碌柚葉沖涼,代表洗走霉氣,準備新一年事事順利。


年三十:團年飯、派發壓歲錢、賣懶
除夕夜一家人聚首一堂食團年飯。團年飯又稱「年夜飯」,菜式會比平時豐富,亦會以「意頭菜」為主,比如準備髮菜、蠔豉等,象徵「發財好市」 。亦會準備湯圓做甜品,象徵一家人團團圓圓。亦要注意,團年飯當晚嘅飯餸都要預備多啲,寓意「年年有餘」。

年三十晚,長輩亦會派利是俾晚輩,壓係枕頭下,保佑平安。而小朋友就要「賣懶」,拎住紅雞蛋出門唱歌「賣懶!賣懶!賣到年三十晚...」,然後返家前食咗粒蛋佢,就成功賣懶啦!
唔少人團年飯後會去行年宵花市,買啲年花返屋企,為屋企添試一份喜氣,可惜今年疫情關係,所以花市取消咗!雖然係咁香港仲有好多地方買到年花㗎~
無咗年宵花市點算好?2022香港買年花好去處:
>>>>更多詳情:https://timable.com/blog/2122873 <<<<

點解今年無年三十?
>>>>更多詳情: https://timable.com/zh-hk/blog/1083286 <<<<



年初一:著鮮色新衫去拜年,著紅、紫、金色添好運
拜年最適合著鮮色衣服,寓意「鴻運當頭」,除咗辟邪,更添喜氣。相反,新年最忌著黑白色,因為黑白係傳統喪服顏色,所以相當唔吉利!新一年新開始,都要買套新衫俾自己,象徵去舊迎新~

年初一 禁忌1:洗頭、沖涼、洗衫
年初一嘅禁忌非常多!年初一傳統上係唔可以沖涼、洗頭同埋洗衫,因為「洗」同「死」係諧音,會將好運同財運全部洗走!

年初一 禁忌2:掃地、扔垃圾
除咗洗嘢,呢日都唔可以灑水、掃地同埋扔垃圾,因為咁做會將財神送走,亦會趕走哂啲財氣㗎~

年初一 禁忌3:打爛嘢
年初一要小心擺放易碎品,由其係拜年常用到嘅茶杯!打爛嘢今年就會破財運,如果唔小心打爛嘢,就用紅紙包住,再默唸「歲歲平安」、「落地開花,富貴榮華」等吉祥語。

年初一 禁忌4:瞓晏覺
大年初一記緊唔好瞓晏覺,古訓有云「禁晝寢」,勸人唔好太懶散,大年初一瞓晏覺,會影響新一年嘅事業運呀~

年初一 禁忌5:食粥、泡飯、鹹湯丸、忌煮新飯
食粥、泡飯或稀飯係古人貧窮嘅象徵,所以如果年初一食粥就有成年都窮嘅意思。另外都唔好食鹹湯丸,因為鹹湯丸又叫「乞丐飯」,食咗嘅話象徵成年都唔會富貴。另外都記緊初一唔開爐,要食年三十淨低嘅過年飯,寓意上年食物食唔哂,年年都有餘。


年初二:出嫁女兒返娘家
已經出嫁嘅女兒初一、初四、初五要避免回娘家,最適宜喺初二、三返娘家,俗稱「回門」。回娘家拜年時,記得要準備雙數禮物。

年初三 :赤口忌拜年
大年初三係赤口,又稱赤狗日,呢一日容易同人起爭執,唔適合去拜年。

年初四:迎灶神
年初四不宜外出,初四係傳統民間接神日,需要留喺屋企準備祭品,迎接眾神、灶王爺同埋家神回來守護家人。傳說灶王爺會點名點人數,所以呢日就唔好外出啦。

年初五:送窮、祭財神
初五俗稱「破五」,喺呢日就要將屋企打掃乾淨,亦稱為「趕五窮」(即智窮、學窮、文窮、命窮、交窮)

年初六:啟市
呢日百無禁忌~

年初七:諸事不宜
初七係 「人日」,係所有人嘅生日!另外呢一日亦係「七煞日」,諸事不宜,好多嘢都唔啱做,唔好去遠門呀~

年初九:忌曬衣服
年初九為玉皇大帝嘅生日,為表尊敬,呢日就唔好曬衫啦!


過年期間禁忌1:使用利器、剪甲剪髮
新正頭期間,記得唔好剪指甲同頭髮,利器有「破」「凶」之意,容易破財,亦影響家宅平安,所以新年期間應避免使用刀、剪刀等等利器。新年亦唔應該剪頭髮,由於「髮」「發」同音,剪髮容易解剪斷埋發財路,所以要剪頭髮最好過年前剪定啦。

過年期間禁忌2:正月忌買鞋
新年唔好買鞋,因為「鞋」同「唉」相似,斯年買鞋容易一整年都唉聲嘆氣,樣樣都會唔順利。想買鞋記得初十後先好買呀~

過年期間禁忌3:債務唔帶去新年、唔追債
新年前記得將所有債務還清!如果唔係呢一年就會一直欠住對方,運程會變差唔,還清債務亦有寓意重新開始~另一方面追債都係一件唔吉祥嘅事,追債會令自己今年諸事不順㗎!




撰文:Ro
圖片來源:Unsplash、Pexels


12款傳統常見年花寓意懶人包
>>>>更多詳情:https://timable.com/blog/2123024 <<<<

【新年禮盒2022】拜年送禮送咩好?8間本地良心店賀年禮盒推介|手工曲奇蝴蝶酥/台灣鳳梨酥/自家製湯包
>>>>更多詳情:https://timable.com/blog/2123462 <<<<

一按即睇 酒店新年美食推介 年糕/盆菜/禮盒合集:
>>>>更多詳情:https://timable.com/blog/2111483 <<<<

【新年糕點2022】不斷更新!10間良心小店賀年糕點推介 傳統/創新口味/台灣特色糕點​
>>>>更多詳情:https://timable.com/blog/2117061 <<<<

【農曆新年2022】超齊全!虎年新春主題香港口罩合集 內附訂購連結
>>>>更多詳情:https://timable.com/blog/2119375 <<<<

【新年好去處2022】虎年親子/拍拖打卡玩樂推介+雞肋位|新年手作年宵市集美食合集
>>>>更多詳情:https://timable.com/blog/2117500 <<<<

【農曆新年2022】熱門新春主題工作坊 達摩陶瓷體驗 家庭樂必玩和諧粉彩
>>>>更多詳情:https://timable.com/blog/2120335 ​<<<<

【農曆新年2022】麥玲玲十二生肖2022虎年運程全面睇 一文睇哂整體運勢 (虎兔龍蛇篇)
>>>>更多詳情:https://timable.com/blog/2113373 <<<<
【農曆新年2022】麥玲玲十二生肖2022虎年運程全面睇 一文睇哂整體運勢 (馬羊猴雞篇)
>>>>更多詳情:https://timable.com/blog/2117433 <<<<
【農曆新年2022】麥玲玲十二生肖2022虎年運程全面睇 一文睇哂整體運勢 (狗豬鼠牛篇)
>>>>更多詳情:https://timable.com/blog/2117434 <<<<

【農曆新年2022】熱門新春主題工作坊 達摩陶瓷體驗 家庭樂必玩和諧粉彩
>>>>更多詳情:https://timable.com/blog/2120335

【農曆新年2022】換新鈔2022 3大發鈔銀行兌換攻略 疫情下特別安排
>>>>更多詳情:https://timable.com/blog/2121522