【露營用品清單】露營要帶咩？新手入門產品推介｜內附懶人包checklist

最近天氣咁好，但又冇咩地方好去？好多人都會選擇去行山露營，感受吓大自然嘅氣息。新手入門嘅你哋，一定對於購買露營物品無從入手。今次就為你地推介多款露營必需品，仲可以跟着我哋個checklist嚟執行李出發！

---

首先同大家講吓，有啲咩係一定要買嘅先啦！大家怕重嘅話，可以搵多啲人一齊去，幫手分擔吓物品嘅重量～

小貼士：選擇較輕嘅物品，方便攜帶，就算貴少少都係值得㗎～

如果想體驗吓露營，但又唔想買咁多裝備嘅話，可以試吓租私人場地玩吓先～

豪華觀星露營體驗 連BBQ燒烤套餐
詳情：https://timable.com/event/2088435


浪高長岸豪華露營／露營車+水上活動體驗
詳情：https://timable.com/event/2130684

露營必需品 checklist：


1. 露營帳篷
露營露營，最重要當然係個營啦。大家最好就選擇較輕嘅營，有啲營係就係平啲，不過真係好有份量，帶上山一啲都唔容易。
小T推介：MSR營
骨架為碳纖維材質，比一般嘅鋁合金營更加輕，仲有抗風效果，大風嘅時候彈性較好，唔會輕易吹到變形。紅色白色嘅設計，用嚟打卡都相當靚㗎～

---

2. 防潮墊
防潮墊會鋪喺帳篷與地面中間，用嚟隔絕地面濕氣及保護帳篷底布，咁就冇咁凍同濕。通常都會跟返自己選擇嘅營嚟購買，選擇返同個營差唔多大細嘅墊。

---

3. 睡袋
上山嘅氣溫比市區更凍，一定要揀返個啱香港天氣嘅睡袋。就算係夏天去，都可以攤開睡袋當地墊，咁瞓落去就冇咁硬啦！
小T推介：Reecho 羽絨睡袋
Adventure Light 0 木乃伊形羽絨睡袋 啱晒香港嘅天氣，就算冬天上山都夠暖。女仔仲可以選擇另一款女裝睡袋，充絨量會增加至10%，而男裝睡袋則增至5%。

另外亦有Zip Together嘅設計，睡袋分左或右拉鏈，可與同款木乃伊睡袋合二為一成為雙人睡袋，咁就可以同另一半瞓埋一齊啦！

---

4. 充氣枕頭
枕頭就未必個個人需要，但如果想買返個嘅話，可以跟返自己選擇嘅睡袋牌子買，又或者去迪卡儂DECATHLON平平哋買返個，最平$49已經有～

---

5. 營釘
購買露營帳篷嘅時候會有埋營釘，用到彎咗就最好買過啲新㗎啦，要補購嘅話可以去一般露營舖，每支大約$5起。

6. 營槌
可以選擇膠營槌，會比較輕，又或者喺營地執舊石仔用都可以。

---

7. 露營枱
去露營煮嘢食必定要有張露營枱，大家千祈唔好喺地下生火啊！
小T推介： Snowline Cube Carbon Table 露營摺枱
Snowline嘅露營摺枱有一人用嘅backpacker款，亦有M3/M4/L5/L6款，兩個人去可以選擇M4或L5。如果同一大班人一齊去，仲可以拼埋一齊用。摺檯嘅材料選用超輕嘅碳纖桿，拎上手都唔會好重。另外亦有專用嘅爐孔板，放入合適嘅爐頭，就更加慳位啦！

---

8. 爐頭
可以因應個人嘅煮食習慣，而選擇唔同嘅爐頭。建議新手入門可以用座地氣爐，會比較容易控制，調節火嘅大細。

小T推介： Snowline 座地氣爐
Snowline 嘅座地氣爐可以配合返專用爐孔板嘅大細，咁就可以有更多空間煮嘢食啦！

---

9. 高山氣/邊爐氣
高山氣喺高山上面使用會較為穩定，適合大多數嘅露營爐頭，但價錢就比較貴。
邊爐氣嘅氣壓亦相對冇咁穩，價錢亦平好多。
由於香港嘅山都唔算話好高，其實用邊款燃料都唔會太大分別，如果使用邊爐氣嘅話，記得買埋邊爐轉換器啊！

邊爐氣大約$10一支；高山氣大約$60一罐。

10. 煮食工具＋食物
要視乎幾多個人去，而決定買幾多煮食工具同食物。最起碼要一個平底鑊、水煲、煮食鋏同鑊鏟。碌落文章底部有簡易露營食譜連結～


11. 擋風板
上山太大風的話需要用到擋風板，如果唔係就會浪費晒啲燃料，啲嘢食煮好耐都唔夠熱。

12. 打火機
要生火煮嘢食，又點少得打火機呢？大家亦可以帶定火柴或打火石，以備不時之需。

---

13. 露營椅
去戶外露營就係想chill吓，當然唔少得一張舒適嘅露營櫈啦！如果覺得太重嘅話，蛋殼坐墊都係一個唔錯嘅選擇。

小T推介： Naturehike 超輕戶外鋁合金摺疊月亮椅
Naturehike 嘅露營產品相對比較便宜，坐落去比起snowline嘅更加舒服，CP值高！

---

14. 杯/碟/餐具
最好就購買比較輕身嘅杯同埋碟，便於攜帶。
餐具方面，可以選擇一啲能夠摺埋嘅叉同匙羹。
市面上有啲二合為一嘅叉匙羹，小T就覺得冇咁好用，大家可以因應自己嘅喜好去購買。


小T推介：無印良品 MUJI 槐木碟
槐木餐具展現天然木嘅深淺色彩同木紋，打卡一流！

小T推介：Snow Peak Titanium Mug 鈦杯
有單層及雙層可以選擇，雙層保溫性能較高，單層價錢就比較實惠。
兩者都係鈦金屬材製，輕盈之餘仲可以直接加熱。

15. 照明燈
夜晚必須要有光線充足嘅照明燈，咁先可以煮到嘢食㗎～

15. 電筒＋頭燈
手提電筒或頭燈方便大家晚上行去其他地方活動，去廁所都方便啲！

16. 垃圾袋
自己嘅垃圾要自己帶返走，盡量唔好留喺郊外地區，要帶返出市區掉啊。

17. 急救用品
放啲簡單嘅藥物、生理鹽水及膠布等，就算有咩意外都可以自行急救先。

18. 充電器 尿袋
喺郊外有咩意外需要用電話，都要有電先用到，冇理由唔帶尿袋去啩～

19. 替換衣物
去一晚嘅話，最好帶定一至兩套衣物替換，流汗或者落雨整濕咗都有得換。

---

【香港露營2022】8件露營好物實用推介｜$12店都買到煮飯神器及配件
詳情：https://timable.com/blog/2131790

【露營食譜】10款簡易露營美食｜內附煮飯神器食譜
詳情：https://timable.com/blog/2133939

---

立即下載Timable App，隨時隨地捕捉本地活動資訊
iOS/Android: https://bit.ly/timable_app


撰文：Athena