【香港Disney+】4月有咩睇？最新片單推介｜奧斯卡得獎電影
author: Timable, 31 Mar 2022 (Thu) 12:33pm立即訂閱Disney+ http://disneyplus.bn5x.net/e42ooX
平日少咗出街，但留喺屋企又唔知做咩好？不如煲劇輕鬆吓，睇完Netflix嘅電影劇集的話，仲可以睇埋Disney+！今次推介幾套電影及劇集畀大家，有Marvel系列嘅新作品、真人真事改編劇集、喪屍片，仲有啱晒小朋友睇嘅PIXAR彼思及迪士尼嘅卡通片。自己一個享受me time又得，一家大細睇亦得，快啲睇吓有咩推介啦！
1.《月光騎士》Moon Knight
Marvel 迷必睇推介！呢期最hit嘅電影一定非《月光騎士》莫屬，仲要係Marvel宇宙最新登場嘅人物，包你有新鮮感。故事係講述本身任職禮品店嘅史提芬葛蘭特（Steven Grant），長期承受多重人格障礙困擾，分唔清現實與夢境，腦海中經常出現多把聲音。而佢亦有另一個身份，係前美國海軍陸戰隊成員、中央情報局探員，後來成為僱傭兵穿梭多地嘅馬克史貝特 (Marc Spector)。到底佢點樣可以喺唔同人格中取得平衡，運用各人格之間嘅長處，又點樣克服恐懼，令自己成為愈戰愈強嘅超級英雄？一齊睇吓佢點利用月亮之神嘅神秘力量脫險啦！
上映日期︰2022年3月30日
片長︰46分鐘
預告片：https://www.youtube.com/watch?v=-3NTOkw3OZU
2.《新創大騙局》The Dropout
睇完Netflix嘅《創造安娜》Inventing Anna 同 《少年法庭》Juvenile Justice，係咪鍾意咗睇真人真事改編劇集呢～今個月推介呢套大熱嘅矽谷世紀騙案真實改編劇畀大家，揭露女版「喬布斯」點樣由億萬科技新貴去到一無所有。題材以金錢、愛慾、悲劇及欺騙為主，
劇集講述 Elizabeth Holmes （Amanda Seyfried 飾）以輟學後的剩餘學費成立公司Theranos，專門研發血液檢測設備，聲稱可以小量血液進行檢測，並成功獲得鉅額投資。佢為咗實現野心同獲得名譽，而不惜鋌而走險，2年後被外界質疑設備根本未達其聲稱水平。想知呢位世界上最年輕嘅女億萬富翁，點樣憑努力獲得無盡財富，又點樣眨眼間令一切化為烏有？咁就要去睇吓啦！
上映日期︰現正熱播中 2022年4月7日大結局
預告片：https://www.youtube.com/watch?v=aJOVe6CADgQ
3.《屍殺片場》One Cut of the Dead
想睇吓喪屍片但又唔想太沉重的話，可以睇吓呢套嚟自日本嘅電爆笑喪屍片。電影只係用咗300萬日圓低成本製作，但卻喺日本狂收過億，並且屢獲大獎，口碑極佳。由導演上田慎一郎執導，被大眾譽為「Cult片神作」！
故事講述一名瘋狂導演喺廢棄濾水廠中拍攝低成本嘅喪屍電影，當佢正因為演員嘅演技太差而發怒時，真正嘅喪屍竟然現身特襲劇組人員，將佢哋一個個咬死。一般人當然會馬上跑走，但係導演卻覺得呢個係天賜良機，終於可以拍出史上最迫真嘅「37分鐘一鏡到底」打喪屍絕地求生戰！
上映日期︰2022年4月15日
片長︰59分鐘
預告片：https://www.youtube.com/watch?v=4wBImbHqhFk
4.《熊抱青春記》Turning Red
4月份係屬於小朋友嘅月份，因為有兒童節啊！希望成為咗大人嘅你都可以一齊重拾童心，為青春喝采。睇完《熊抱青春記》嘅各位都會覺得超感動，同時仲可以領悟出人生成長中嘅根本哲理。全球觀眾一致高度讚揚，成為全球Disney+ 最多觀眾收看嘅電影第一位！快啲趁復活節假期同小朋友一家大細睇啦！
故事講述居住於加拿大多倫多嘅13歲少女李美玲，瞓醒起身發現自己變成紅色小熊貓！但屋企人好似一早就預料到呢件事會發生，原來係同家族與小熊貓神之間有關。要阻止美美於激動時變成小熊貓，媽媽、外婆與幾位姨婆要為美美舉行封印儀式，想知結局係點，就要去Disney+睇啦！
上映日期︰現已上線
片長︰1小時40分鐘
預告片：https://www.youtube.com/watch?v=-3_tgaRH0f4
5.《奇幻魔法屋》Encanto
睇完《熊抱青春記》，仲可以睇埋呢套榮獲今屆奧斯卡最佳動畫長片之作！佢將會帶領你走入前所未見嘅奇妙繽紛世界，小朋友絕對唔可以錯過啊～「魔力高家族」(Madrigals) 嘅奇幻魔法屋坐落喺南美洲一個名為「奇幻鄉」(Encanto) 嘅秘境，出生喺呢個魔法樂土嘅家族成員都擁有意想不到嘅天賦魔法，除咗小女孩美麗寶(Mirabel)，佢係全個家族中唯一平凡而冇魔法嘅小朋友。但原來魔法之境正漸漸受到巨大嘅威脅，而佢竟然係整個家族嘅最後希望，一齊睇吓佢點拯救呢片奇妙樂土啦！
上映日期︰現已上線
片長︰1小時39分鐘
預告片：https://www.youtube.com/watch?v=eM0ZB4Uewvo
資料來源：Disney+
立即訂閱Disney+ http://disneyplus.bn5x.net/e42ooX
編輯：Athena
延伸閱讀：
【奧斯卡2022】奧斯卡10套入圍最佳電影候選名單 邊套係年度最強熱門電影＋必睇話題之作
詳情：https://timable.com/blog/2134312
【睇劇2022】Netflix 4月上架韓劇推介 打發時間實有嘢睇！
詳情：https://timable.com/blog/2161103
【金像獎2022】今屆角逐各獎項嘅電影你睇過幾多？一文整理20套獲提名電影
詳情：https://timable.com/blog/2133881
Follow埋Timable FB同IG
FB：https://www.facebook.com/timable.hk
IG：https://www.instagram.com/timable/
立即下載Timable App，隨時隨地捕捉本地活動資訊
iOS/Android: https://bit.ly/timable_app
平日少咗出街，但留喺屋企又唔知做咩好？不如煲劇輕鬆吓，睇完Netflix嘅電影劇集的話，仲可以睇埋Disney+！今次推介幾套電影及劇集畀大家，有Marvel系列嘅新作品、真人真事改編劇集、喪屍片，仲有啱晒小朋友睇嘅PIXAR彼思及迪士尼嘅卡通片。自己一個享受me time又得，一家大細睇亦得，快啲睇吓有咩推介啦！
1.《月光騎士》Moon Knight
Marvel 迷必睇推介！呢期最hit嘅電影一定非《月光騎士》莫屬，仲要係Marvel宇宙最新登場嘅人物，包你有新鮮感。故事係講述本身任職禮品店嘅史提芬葛蘭特（Steven Grant），長期承受多重人格障礙困擾，分唔清現實與夢境，腦海中經常出現多把聲音。而佢亦有另一個身份，係前美國海軍陸戰隊成員、中央情報局探員，後來成為僱傭兵穿梭多地嘅馬克史貝特 (Marc Spector)。到底佢點樣可以喺唔同人格中取得平衡，運用各人格之間嘅長處，又點樣克服恐懼，令自己成為愈戰愈強嘅超級英雄？一齊睇吓佢點利用月亮之神嘅神秘力量脫險啦！
上映日期︰2022年3月30日
片長︰46分鐘
預告片：https://www.youtube.com/watch?v=-3NTOkw3OZU
2.《新創大騙局》The Dropout
睇完Netflix嘅《創造安娜》Inventing Anna 同 《少年法庭》Juvenile Justice，係咪鍾意咗睇真人真事改編劇集呢～今個月推介呢套大熱嘅矽谷世紀騙案真實改編劇畀大家，揭露女版「喬布斯」點樣由億萬科技新貴去到一無所有。題材以金錢、愛慾、悲劇及欺騙為主，
劇集講述 Elizabeth Holmes （Amanda Seyfried 飾）以輟學後的剩餘學費成立公司Theranos，專門研發血液檢測設備，聲稱可以小量血液進行檢測，並成功獲得鉅額投資。佢為咗實現野心同獲得名譽，而不惜鋌而走險，2年後被外界質疑設備根本未達其聲稱水平。想知呢位世界上最年輕嘅女億萬富翁，點樣憑努力獲得無盡財富，又點樣眨眼間令一切化為烏有？咁就要去睇吓啦！
上映日期︰現正熱播中 2022年4月7日大結局
預告片：https://www.youtube.com/watch?v=aJOVe6CADgQ
3.《屍殺片場》One Cut of the Dead
想睇吓喪屍片但又唔想太沉重的話，可以睇吓呢套嚟自日本嘅電爆笑喪屍片。電影只係用咗300萬日圓低成本製作，但卻喺日本狂收過億，並且屢獲大獎，口碑極佳。由導演上田慎一郎執導，被大眾譽為「Cult片神作」！
故事講述一名瘋狂導演喺廢棄濾水廠中拍攝低成本嘅喪屍電影，當佢正因為演員嘅演技太差而發怒時，真正嘅喪屍竟然現身特襲劇組人員，將佢哋一個個咬死。一般人當然會馬上跑走，但係導演卻覺得呢個係天賜良機，終於可以拍出史上最迫真嘅「37分鐘一鏡到底」打喪屍絕地求生戰！
上映日期︰2022年4月15日
片長︰59分鐘
預告片：https://www.youtube.com/watch?v=4wBImbHqhFk
4.《熊抱青春記》Turning Red
4月份係屬於小朋友嘅月份，因為有兒童節啊！希望成為咗大人嘅你都可以一齊重拾童心，為青春喝采。睇完《熊抱青春記》嘅各位都會覺得超感動，同時仲可以領悟出人生成長中嘅根本哲理。全球觀眾一致高度讚揚，成為全球Disney+ 最多觀眾收看嘅電影第一位！快啲趁復活節假期同小朋友一家大細睇啦！
故事講述居住於加拿大多倫多嘅13歲少女李美玲，瞓醒起身發現自己變成紅色小熊貓！但屋企人好似一早就預料到呢件事會發生，原來係同家族與小熊貓神之間有關。要阻止美美於激動時變成小熊貓，媽媽、外婆與幾位姨婆要為美美舉行封印儀式，想知結局係點，就要去Disney+睇啦！
上映日期︰現已上線
片長︰1小時40分鐘
預告片：https://www.youtube.com/watch?v=-3_tgaRH0f4
5.《奇幻魔法屋》Encanto
睇完《熊抱青春記》，仲可以睇埋呢套榮獲今屆奧斯卡最佳動畫長片之作！佢將會帶領你走入前所未見嘅奇妙繽紛世界，小朋友絕對唔可以錯過啊～「魔力高家族」(Madrigals) 嘅奇幻魔法屋坐落喺南美洲一個名為「奇幻鄉」(Encanto) 嘅秘境，出生喺呢個魔法樂土嘅家族成員都擁有意想不到嘅天賦魔法，除咗小女孩美麗寶(Mirabel)，佢係全個家族中唯一平凡而冇魔法嘅小朋友。但原來魔法之境正漸漸受到巨大嘅威脅，而佢竟然係整個家族嘅最後希望，一齊睇吓佢點拯救呢片奇妙樂土啦！
上映日期︰現已上線
片長︰1小時39分鐘
預告片：https://www.youtube.com/watch?v=eM0ZB4Uewvo
資料來源：Disney+
立即訂閱Disney+ http://disneyplus.bn5x.net/e42ooX
編輯：Athena
延伸閱讀：
【奧斯卡2022】奧斯卡10套入圍最佳電影候選名單 邊套係年度最強熱門電影＋必睇話題之作
詳情：https://timable.com/blog/2134312
【睇劇2022】Netflix 4月上架韓劇推介 打發時間實有嘢睇！
詳情：https://timable.com/blog/2161103
【金像獎2022】今屆角逐各獎項嘅電影你睇過幾多？一文整理20套獲提名電影
詳情：https://timable.com/blog/2133881
Follow埋Timable FB同IG
FB：https://www.facebook.com/timable.hk
IG：https://www.instagram.com/timable/
立即下載Timable App，隨時隨地捕捉本地活動資訊
iOS/Android: https://bit.ly/timable_app
