【香港周圍遊】香港故宮6大打卡位 絕美星海/無敵海景觀景台/落地玻璃窗/浪漫日落｜當代建築交融古典設計美學

香港故宮文化博物館由本地知名建築師嚴迅奇設計，樓高七層嘅香港故宮，總建築面積約3萬平方米！香港故宮建築外觀未有完全模仿北京故宮，相反以簡潔嘅現代建築線，融入故宮嘅古典設計美學，比如空間上以紫禁城建築特色「中軸線」為概念、採用紫禁城建築主色調等。

香港故宮即將開幕，等小T帶大家率先睇吓裡面嘅打卡位，嚴選6大必到位置，一齊影張靚相啦！

同場加映：
【藝文．生活】香港故宮文化博物館7月開幕 九大展廳重點館藏率先睇 國寶級文物/限定1個月展覽
一文睇哂館內必睇重點館藏：https://timable.com/blog/2219952

---

打卡位1-2：展廳 7 古今無界：故宮文化再詮釋
小T影相位置：《星垂平野》許方華
小T影相位置：《物化》吳子昆

展廳7係六位香港藝術家創作並詮釋故宮文化嘅多媒體藝術展，當中呢兩個絕美裝置藝術作品，嚟到一定要影！走入許方華設計嘅《星垂平野》裝置空間，就好似置身星河隧道中，間中仲有點點流星經過㗎，嚟到記得捉住佢地嘅尾巴。
另一作品係吳子昆嘅《物化》，觀眾可以走入漆黑嘅空間，裡面佈滿大大小小以3D打印嘅白色展品，配合互動光影裝置，可以影出特別又夢幻嘅相片。

---

打卡位3：西中庭 海景觀景台

西中庭係3個中庭裡面最打卡able！西中庭外面有個觀景台，除咗望到大嶼山外，更可以欣賞一覽無遺嘅無敵大海景，係一個唔錯嘅影相位！

圖片：© 香港故宮文化博物館

黄昏時仲有得睇日落景色，非常唯美。

---

打卡位4：西中庭/南中庭 落地玻璃窗
小T影相位置：西中庭

香港故宮有3個中庭空間，分別喺地面、二樓及四樓，面向唔同方位，地面中庭飽覽西九文化區，而四樓嘅中庭面向大嶼山，2樓南中庭則面向港島嘅城市景，一覽港島天際線。西/南中庭位置有落地玻璃窗，欣賞香港靚景。

圖片：© 香港故宮文化博物館

中庭天花設計亦相當獨特，設計靈感源於紫禁城屋頂嘅琉璃瓦，嚟到記得抬頭欣賞下！

---

打卡位5：西中庭/南中庭 座椅
小T影相位置：西中庭

位於三樓、四樓中庭嘅座椅非常獨特，呢啲作品係由知名室內設計師André Fu，為香港故宮設計！以中式瓦頂獨有嘅輪廓為靈感來源，以中國橡木精制成兩片彎曲嘅瓦片，為香港故宮嘅公共空間設計一系列以「環扣」為名嘅長凳。

---

打卡位6：南中庭 階梯

連接二樓與三樓嘅南中庭階梯別具特色，亦係其中一個必到打卡點！寛闊嘅大階梯除咗可以供遊人休憩外，更會不時舉行小型文藝表演及講座。

---

逢星期三更開放予公眾免費入場參觀1至7號展廳，不過同樣要預約。
注意！首三個月不設現場售票，想去參觀記得提前預約啦！
立即預訂：https://bit.ly/3tzN2xC

香港故宮文化博物館
地址：九龍佐敦區西九文化區博物館道8號
開放時間：
逢星期一、三、四、日 10:00 - 18:00
逢星期五、六及公眾假期 10:00 - 20:00（逢星期二及農曆年初一及二休館）

交通方式：乘坐港鐵東涌綫或機場快綫到九龍站E出口，沿雅翔道步行至行人天橋。橫過天橋後，即可進入西九文化區及博物館。
亦可以在九龍站E出口轉乘綠色專線小巴26、74、74S或74D直達博物館。
詳細交通及泊車資訊：：https://www.hkpm.org.hk/tc/visit/plan-your-visit#location-and-transportation

---

攝影：AL
撰文：RO

延伸閱讀：


【藝文．生活】香港故宮文化博物館7月開幕 九大展廳重點館藏率先睇 國寶級文物/限定1個月展覽
詳情：https://timable.com/blog/2219952

【藝文．生活】香港當代藝術新遊點！ 逾千展藏、6大專題展覽 西九M+遊記
詳情：https://timable.com/blog/2097299

【香港郊遊路線2022】港島熱門靚景打卡位｜輕鬆到達最啱睇日落｜週末好去處
詳情：https://timable.com/blog/2169446

---

Follow埋Timable FB同IG
FB：https://www.facebook.com/timable.hk
IG：https://www.instagram.com/timable/

立即下載Timable App，隨時隨地捕捉本地活動資訊
iOS/Android: https://bit.ly/timable_app