1 Dec 2019 (Sun)
38 Nelson Street, Mongkok, Hong Kong
待定
contributed by


鄧小巧宣布12月開麥花臣!

鄧小巧FB:
//
又大一歲,一年前許下嘅願望已經唔記得咗。隨住生活經驗嘅累積很多事情開始見慣不怪。認識咗新嘅人,疏遠咗舊嘅人;笑多咗一條皺紋,內心多咗一啲傷痕。但長大可能就係咁樣,學識(被逼)接受生活就係有好多枝節同起跌,快樂與不快樂永遠並存。

從推出雅俗到而家,係我以新人出道嘅第四年,音樂上嘅累積、迷失、冒險,多謝我嘅團隊以及大家同我一齊渡過同見證。做音樂本來好大嘅原因係抒發同療癒自己某些部份,幸福嘅係我擁有同你哋一齊分享嘅福分,令我做出嚟嘅音樂多咗好多意義。

一直以嚟大家都有問我幾時開音樂會,上年為演藝學院學生課程嘅演出係一個好好嘅學習經驗。到今年,我嘅團隊同我都覺得係時候開啦第一個屬於我嘅售票音樂會啦,因為我哋有足夠嘅內容可以同我嘅歌迷分享。

所以,今年12月1日,麥花臣,我哋一齊為我哋嘅新舊傷口好好做一場音樂會。
//

演出及票務詳情有待公布

.請勿誤信非官方售票渠道