陳柏宇 "Fight For___" 演唱會 2021

陳柏宇反傳統背向鏡頭拍宣傳海報　概念為先
因疫情再三延期　盼入座率早日重返100%

Jason這次演唱會以「Fight For」作為主題，是因為在這段期間，歷經疫情的反覆影響，世界正處於混沌狀態，但社會各階層都謹守崗位，默默為各自的目標努力，當中包括了Jason，為了再踏上演唱會的台板，他亦默默學習，奮鬥。「Fight For」這個主題，不僅帶出了人人為目標而奮鬥的意念，同時亦是今次演唱會的內容精髓，而率先推出的先行海報，更一反傳統，以問句「你為了甚麼而奮鬥？」突出演唱會主題，穿上恤衫牛仔褲的Jason只是手拿咪高峰背向鏡頭，以一個高炒角度現身，未有見樣，但整個人的姿態卻充滿自信，予人準備就緒的感覺。

的而且確，Jason已經準備就緒！Jason自爆本來演唱會早就舉行，說：「其實疫情初期就想開Show！但因為情況反覆再三延期，嚟到今日，終於可以向大家公告：紅館，我返嚟喇！」雖然個唱延至今年12月才舉行，但Jason反而覺得是很好的時機，他說：「呢一年多不斷作出新嘗試，由歌曲曲風到演唱技巧都不斷尋求突破，演唱會可以話係呢個階段嘅小總結。」重返紅館，Jason最大期望是坐無虛席！他說：「希望早日可以寬限入座率去返100%，呢個應該係我呢一刻最期待嘅事情呢！」

---

療傷情歌王子陳柏宇第2次開佢嘅紅館演唱會喇！亦都係陳伯自2018年以來首個大型個人售票演唱會呀！歌迷們是咪餓咗好耐呢？機會嚟喇！

．請勿誤信非官方售票渠道