application
21 ‑ 22 May 2022 (everyday) 11am ‑ 7pm (8 hours)
PMQ 元創方 G/F Courtyard & Marketplace 》香港中環鴨巴甸街35號
21 ‑ 22 May 2022 (everyday) 11am ‑ 7pm (8 hours)
香港中環鴨巴甸街35號
free
contributed by


趁住疫情好返啲,把握機會同屋企人或者朋友去行下市集,放鬆下啦!

「Homeland」,我們的「家園」,即係香港。
Homeland=Home + Land,「Homeland」亦代表香港係一個載滿咗無數家庭嘅小島,喺呢個小島上,每位都努力尋找屬於自己家庭嘅幸福。面對近年社會發展﹑家庭結構轉型﹑疫情﹑社會變化等等嘅轉變,我哋可以點樣喺呢個小島尋找「轉變中的家庭幸福」?

作為「家福月」嘅重頭戲,由香港家庭福利會(家福會)主辦,聯乘白紙市集嘅「Homeland」家庭市集將於今個月21及22號同大家見面啦!今次搵嚟網絡人氣插畫師Oh...little sweet作大會設計,又以「轉變中的家庭幸福」為主題畫出一系列令人聯想到家庭幸福嘅作品,靠住充滿家庭歡樂嘅設計同埋六大場區嘅活動內容,希望大家嚟到呢個市集都會感受到暖暖嘅幸福感。我哋嘅「家福月」大使岑珈其都會喺5月21號同大家見面,喺中午12點半嘅開幕禮分享維持家庭幸福嘅心得同埋做一陣店主㗎!

購物x遊玩x教育 一次過滿足晒一家大細嘅Family Day活動
「Homeland」家庭市集為大家帶嚟超過80個「家庭友善」嘅本地品牌,除咗唔少品牌嘅背景或者產品都同「家庭」有關,仲聯乘5個檔主推出「Homeland」限定嘅點題産品。另外,大會準備咗不同類型嘅免費家庭及個人手作工作坊(需預約,有少量現場報名名額)、插畫師Oh...little sweet嘅作品展覽、小童活動區等豐富內容,仲有千祈唔好錯過位於二樓The QUBE 嘅「古典相機即影即有」留影區,同埋每日限定嘅現場音樂表演,表演單位包括Fuk Fu福富、ELKA(鄭芷淇)、樂隊COPAK同埋呀妹(黃敏蕎),等大家喺熱鬧嘅氣氛之下同屋企人留低快樂回憶!

以「家庭」作為靈感嘅點題產品,令你更有家嘅感覺

自由定價,同你最愛嘅人影張靚相,好好記住依一刻,留住溫度

另外大家入場嘅時候就會收到印章地圖,記得行晒全個市集,儲齊印章就可以去接待處換領豐富禮物啦!大會仲安排咗遊戲攤位同埋扭蛋機俾大家一齊搵返童心,分別可以拎到唔同嘅小禮物同埋市集優惠卷,真係唔好錯過呀!

首個以「家庭」為主題的市集 家福會多元宣傳幸福秘訣
家福會一直以「以家為本」作為信念,提供多元嘅社會服務,而自2014年開始,家福會將每年五月份定為「家福月」,希望可以讓公眾認識重要嘅家庭價值。

「Homeland」家庭市集為今年家福月嘅重點活動之一,家福會希望透過今次市集讓大家了解喺香港不斷變化嘅情況底下,「家庭」呢個概念如何適應轉變,從中衍生咗多元嘅家庭,例如雙職家庭、多代家庭同寵物家庭等等,推動大家尋找屬於自己嘅「家庭幸福」。

今個月21及22號就同屋企人去中環PMQ元創坊過一個快樂嘅週末啦!

【家福會 X 白紙市集 X Oh...little sweet - 「Homeland」家庭市集】
日期 : 2022年5月21-22日 (星期六至日)
時間 : 11:00am - 7:00pm
地點 : 中環PMQ元創坊 (地下Courtyard & Marketplace 及 二樓The QUBE)


市集工作坊:
《幸福家庭》心靈拼貼®️體驗活動

日期|21-05-2022(六)
費用|免費(每位參加者需繳交$200按金作留位費使用,如果為家庭單位,按金按每個家庭單位計算,按金會在當日活動後退回)
時間|3:30pm-4:30pm 約1小時 (因應實際情況)
名額|8人 (可以以個人或家庭單位報名,每個家庭人數上限為2人)
地點|中環PMQ - Room H506
報名表格https://forms.gle/5kSaL2TWsSLjskdR9


家庭藝術工作坊 – 酒精墨水流動畫
日期|22-05-2022(日)
費用|免費(每個家庭需繳交$200按金作留位費使用,按金會在當日活動前退回)
時間|約1小時
2:00pm-3:00pm (第一節) 3:00pm-4:00pm (第二節) 4:00pm-5:00pm (第三節) 5:00pm-6:00pm (第四節)
名額|4個家庭,每個家庭人數上限為3人 (兒童參加者為小三或以上可參加)
地點|中環PMQ - Room H506
報名表格https://forms.gle/5kSaL2TWsSLjskdR9

此工作坊特別注意事項
(i) 此工作坊需以家庭形式報名參加。
(ii) 由於工作坊使用酒精,為確保安全,參加者(兒童/青少年)必須為小三或以上。
(iii) 由於本工作坊使用酒精,如任何人士對酒精敏感,恕不能參加是次工作坊。


Homeland 個人工作坊詳情
日期|21-05-2022(六)
A)TOTE BAG PAINTING工作坊
B)霓虹燈工作坊

費用|免費(每位參加者需繳交$200按金作留位費使用,按金會在當日活動前退回)
時間|約兩小時 (因應實際情況) 12:00pm-2:00pm (第一節) 3:00pm-5:00pm (第二節)
名額|每節6人
年齡|適合18歲或以上
地點|中環PMQ - Room S302 / The QUBE
報名表格https://forms.gle/5kSaL2TWsSLjskdR9


日期|22-05-2022(日)
C)香水工作坊
D)月球燈工作坊

費用|免費(每位參加者需繳交$200按金作留位費使用,按金會在當日活動前退回)
時間|約兩小時 (因應實際情況) 12:00pm-2:00pm (第一節) 3:00pm-5:00pm (第二節)
名額|每節6人
年齡|適合18歲或以上
地點|中環PMQ - Room S302 / The QUBE
報名表格https://forms.gle/5kSaL2TWsSLjskdR9


YouTube video
主辦單位Google Form | application
5 May (Thu) 12am onward

(ended)