Dear Jane演唱會2022｜"What’s Happening Live"

今次 Dear Jane 演唱會名為 “What’s Happening”，就是想直截了當地問候一下好久沒有出戶外玩的樂迷！Dear Jane 日前就為演唱會拍攝宣傳海報，用了很多時間化了一個前所未有的勁妝，將搖滾同感性放埋一齊，想帶出今次音樂會有以往樂迷極愛的 Dear Jane，更有大家前所未見過的 Dear Jane！因為今次音樂會將有一 part 非常非常之搖滾的音樂部份，搖滾到你唔信，大家一定要入場一齊興奮地搖滾啦！

為了化海報上的妝容，Dear Jane當日化咗近三個鐘，四人異口同聲，邊化邊笑，「真係未試過咁化，諗下諗下今次個妝應該都算係化得最 Rock 最爆嘅一次，哈哈。」Nice 平時好少化眼線，所以佢話今次都幾唔習慣同有少少辛苦，Jackal 化完妝望鏡見到自己個咀直情嚇咗一嚇，O 晒嘴。而 Tim 就即場剃咗半邊面鬍鬚做返半暗黑半企理效果，自己都覺得癲。


戶外演唱會一直都屬於樂隊，因為氣氛會比室內場好百倍。Dear Jane 一直都希望可以擁有自己的戶外演唱會，今次終於能實現夢想，喺安盛 x 竹翠公園咁正嘅場地舉行首次戶外演唱會，所以都感到興奮萬分，談到外國樂隊的演唱會騷，再激再勁的情節也出現過，問到他們有沒有幻想過，希望可以喺戶外騷做到什麼？


Jackal : 「我見有啲戶外嘅 show 試過掉大型嘅波波落去觀眾度，「插水」式咁跳落觀眾度 ，假如可以的話，我真係好想試下，不過疫情關係，雖然我地已經係 0+3，都係要小心防疫規則，雖然疫情進入左平台期，但都要謹守防疫規則，保持適當社交距離，哈哈⋯⋯插水我估要等下次，疫情過咗先可以試。掉波波呢，就會同演唱會監製同公司研究下，係咪可以發生，大家期待下！」


Tim : 「我見過外國騷台上嘅表演者會用啲水槍對台下嘅觀眾『吱吱吱』，如果可以我想試吓用我枝咪變水槍咁樣『吱』大家！哈哈。」


Howie : 「 我見過有啲樂團開 show 個結他真係會噴火㗎！如果我枝結他噴火，真係正呀。」


Nice : 「噴火我都想睇下，或者演唱會入面可以放下煙花⋯⋯」

最後四人異口同聲表示，「 What’s Happening？ 到時見！」

．請勿誤信非官方售票渠道

---

* 因場館防疫規定，進入場館必須持有並出示「疫苗通行證」。
（一般成人若已接種第二針滿 6 個月，必須接種第三針方可進入場所，詳細安排請參閱：https://www.coronavirus.gov.hk/pdf/vp_t1_CHI.pdf ）
* 入場館前必需利用「安心出行」手機應用程式掃描場所二維碼並向場館職員出示已掃瞄畫面。
* 閣下有發燒症狀、體溫高於 37.5 度或未有佩戴口罩，主辦方有權拒絕閣下進場，演唱會門票費用、購票手續費恕不退還。
* 現場嚴禁飲食，觀眾須在演出期間全程妥善戴上口罩，如有違反，主辦方有權請其離場。

---

Follow 埋 Timable 演唱會 FB 專頁：
https://www.facebook.com/timable.hk.concerts