一年一度滙豐香港社區夥伴計劃嘅旗艦活動 - 「滙豐香港社區節2022」又嚟喇！今年將會喺11月27號喺中環遮打道舉行。
今年會以「滙聚力量」為主題，繼續支持以地區為本嘅各種創新活動。希望透過凝聚社會各界嘅力量，幫助弱勢社群從疫情中復甦，增強社會整體嘅抗逆力。
而社區節其中一個焦點項目：「社區創科編程馬拉松」，就將會展出得獎中學隊伍設計嘅作品，參賽同學為各種社會最迫切問題而提供咗各種創新嘅解決方案，到時就會公佈賽果同頒發獎項畀比賽勝出隊伍㗎！
除此之外，社區節仲有以「運動」和「升級再造」為主題嘅體驗區，裡面有唔同嘅互動遊戲攤位、仲有唔同主題嘅體驗工作坊等等，費用全免！
當日仲有好多精彩表演，以「滙聚動感力量」、「滙聚音樂力量」及「滙聚文化力量」三大主題，當中包括粵劇、雜耍、變臉、手鈴合唱團、環保樂器等，以多元形式同極具創意嘅方式演出，一齊嚟感受下熱烈嘅社區節氣氛！
- 所有參加者進場前須量度體溫並以消毒潔手液徹底清潔雙手及場內任何範圍必須配戴口罩
- 參加者入場前必須進行入場登記 （透過「安心出行」流動應用程式掃描於場地入口展示的二維碼或填寫實體表格）
- 持藍碼或黃碼人士方可進入本會場，紅碼人士未能參與是次活動
