聖誕唔知去邊好？緊係嚟《聖誕學院開放日》過一個超有氣氛嘅聖誕節啦！🎅🏻🎄 有戶外聖誕市集、幸福大抽獎、DIY手作、配對百子櫃、塔羅占卜同特色打卡區等你玩個夠！
@y.x_community歡迎大家入讀聖誕學院，即日入讀，即日拎cert畢業！🎓當日所有入場朋友仔仲可以即場參加大抽獎，隨時贏iPad、AirPods Pro、Switch OLED同各類現金券！
學院安排咗唔同嘅「學科活動」俾大家輕鬆感受聖誕氣氛🥳。有戶外聖誕市集，售賣各款鈎織公仔、手作飾物、香薰產品、聖誕擺設、迷你盆栽、手繪電繪畫等等！仲可以DIY聖誕花環同捕夢網添！
緣分科亦特別為大家設置「配對百子櫃」，等你喺聖誕學院入面配對同你最夾嘅新朋友😻而最新增設嘅祈願科，就為大家安排咗塔羅占卜、仲可以任你著靚靚和服，揸住盞鬼繪馬牌許願兼打卡！🌈玩完學科活動之後記得著住畢業袍同拎住限定大大張畢業證書打卡留念呀！
《聖誕學院開放日》
日期: 2022年12月17-18日 (Sat & Sun)
時間: 1pm- 6pm 內任何時間入場都得!
地點: 紅磡蕪湖街83號Y83, Podium
費用: 會員免費❣️| 非會員walk-in HK$50
報名鏈接：https://bit.ly/3UxjuLL
