"Girls with Guitars #11" 音樂派對

嚟緊六月三號，The Underground將會喺藝穗會舉行「Girls with Guitars #11」音樂派對，同大家一齊慶祝女性力量同音樂！

呢個音樂派對會有四隊香港出色嘅樂隊同埋女音樂人表演。首先上台既係JOYA，佢係一位新晉創作歌手，聲線好靚同歌詞感人，一定會打動你嘅心。

接住落黎係DeerMx，佢地係一隊喺香港成立嘅墨西哥樂隊，以Trip-Rock同Industrial Pop混合嘅音樂風格聞名，喺亞洲同歐洲嘅音樂節都表演過，而家仲喺美國進行首次巡演，而佢地最新EP《Fables of Humanity and Mother Nature》呢個春季即將推出。千祈唔好錯過佢地獨特嘅表演同音樂風格！

第三隊樂隊係After Tales，佢地係一隊响2020年夏天機緣巧合之下走埋一齊嘅樂隊，成員包括Dan (主音同節奏吉他手)、Kit (主音吉他手)、Thomas (低音結他手) 同Ken (鼓手)。佢地而家已經推出咗六首原創歌曲，而且一直喺度創作更多新歌。佢地嘅音樂主要圍繞住人生、愛情同生離死別等主題，打動人心，適合不同年齡層嘅觀眾欣賞。

最後，MaryJane & The Gang會演出MaryJane自己嘅民謠音樂。佢地獨特嘅音樂風格同現場演出會令大家留下深刻嘅印象。MaryJane嘅音樂係佢自己人生經歷嘅寫照，包含咗失落同希望，每一個音符都打動人心。

Girls with Guitars #11一定會係一個充滿爆炸力嘅音樂晚上，你一定唔可以錯過呢個盛事！

Girls With Guitars系列啱哂所有喜歡各種音樂類型嘅朋友，支持Girl Power更不在話下啦！我哋預計呢場表演將會好受歡迎，而Fringe Club的位置有限，所以大家記得買預售門票啦。