夏天終於嚟到啦！
夏日炎炎做咩好，緊係嚟綠在屯門參加環保嘉年華最好，今個5月份我哋準備咗好適合一家大細玩嘅夏日童玩樂嘉年華 ，即刻同大家介紹有咩節目啦～到時會有環保懷舊玩具展 ，利用回收物製作懷舊玩具，例如有廢布豆袋、翻花繩同公仔紙等，有啲懷舊玩具你可能聽都未聽過，當日一於一齊嚟玩啦～
除此之外，又點少得一向好受歡嘅環保工作坊 ，今次分別有植物拓印夏日摺扇 、環保手作乾花畫、地球小物碟同 膠蓋動物小手工，有興趣嘅大小朋友就唔好錯過啦！最後當然唔少得攤位遊戲、免費二手市集同埋尋牛記啦。
Mark低日子，一齊同小朋友學吓點樣喺日常實踐環保，仲有豐富獎品等你哋嚟拎走，到時見啦～
注意事項：
1. 如有發燒或身體不適，請避免前往「綠在屯門」。
2. 活動期間需按職員指示排隊輪候。
3. 環保工作坊材料由「綠在屯門」提供，活動採用即場報名方式（先到先得，額滿即止）。
4. 免費二手物市集只會派發，不會進行收集活動。
