著名西班牙插畫/漫畫家Joan Cornellà又嚟香港搞展覽喇！今次展覽將會以香港做主題，總共有38幅未曾公開嘅作品展出，仲會有未曾曝光嘅紀念商品供大家購買。上次錯過咗嘅朋友，今次記得要撲飛喇～ *（為避免過長人龍及等候時間，是次展覽場地更大，展覽日子延長，而且提供可提前選擇入場時間之預售門票系統。每日單一入場時段都有入場人數限制，只要買飛時揀好入場日期時間，即可確保當日順利入場。）

---

Joan Cornellà整個一月逗留香港，留港期間（大大力）玩樂及（輕輕力）工作， 以暢遊及探索此地，嘗試吸收及消化其精華。該段時間令佢有機會去發掘及深思依片土地。憑住一如既往幼稚 (..) 又具諷刺性嘅作品風格，Cornellà揭開覆蓋響依個城市嘅面紗，俾大家有機會睇清面紗下嘅真面目；作品影射出牛鬼蛇神，一切都充滿藝術家獨特而令人不安嘅幽默感。 Gallery 27 及 Factotum Productions非常榮幸聯手呈獻是次展覽，由2017年5月6號至21號期間舉行。有見去年香港出道展覽大收旺場，依位巴塞隆拿出生嘅漫畫家再度來港舉行個人展，今次更將會係佢首度展出一系列自我城吸收靈感嘅全新作品。 以合作伙伴身份參與是次盛事，Gallery 27帶來貼地嘅本土美術及設計展覽籌辦專業知識，又提供大量支援，響策展及商品發售方面提供實際建議。 今次展覽內容將會有合共38份從未展出嘅作品，更有從未曝光嘅限量畫作以及一系列畫家最新商品，全部可以響為期三星期嘅展覽期間現場入手。Gallery 27 創辦人 —— Alan Chan 陳幼堅 將會與畫家攜手合作，為是次香港展覽創作帶來著重實體作品之展出內容。

---

關於 Joan Cornellà Joan Cornellà Vázque（出生於1981年1月11日，巴塞隆拿）作為卡通畫家及插畫家，作品風格詭異，令人不安之餘又充滿黑色幽默，因而聲名大噪。 Cornellà筆下作品，經常被認為令人恐怖不安，或者完全無視世俗規條。Cornellà僅以簡單視覺語言，就能夠巧妙運用諷刺手法，通過無數非現實情景，詮釋邪惡事物或者人性陰暗面。當中包括影射現代人對社交媒體之畸型依存，又或者以自HIGH自拍文化惡搞政治議題，例如墮胎、上癮、性別話題——其創作主題不設底線。Cornellà嘅作品，可謂縱情於荒誕及不道德當中。