Global Bubble Parade 今年終於黎到香港喇! 2017年5月28號我地會同全球超過70個城市同步透過泡泡黎宣揚快樂! 見小朋友吹泡泡玩泡泡就見得多，但係大個左之後既你係迷好耐無玩過呢? 5月28號下午4點至5點我地會係中環愛丁堡廣場集合一齊 "泡泡行" 到添馬公園。 我地希望你能夠暫時快低煩惱瑣碎事，加入我地一齊係音樂同泡沫中享受最簡單既快樂。我們相信快樂係一趟旅程，而唔係终點。所以無論你係自己一個人黎，同朋友一齊，定一家大細，我地都希望係依個快樂路途裡面見到你，一齊製造回憶。如果你係鍾意影相既，我地更加歡迎你透過拍攝黎凝住幸福既瞬間。你可以用Hashtag #bubbleparadehongkong 黎分享你既照片。 有興趣了解更多既朋友可以Follow我地既Facebook Page (@globalbubbleparadehk），我地會係上面發佈更多同泡泡行相關既資訊。 今次既泡泡巡遊費用全免，我地鼓勵大家自備泡泡同埋準備額外既泡泡同其他人分享雙重快樂！如果你想自製泡泡，可以黎我地5月21-27號舉辦既街頭宣傳工作坊 (詳情請留意Facebook Page)，我地會同大家分享點樣手製自己既泡泡同泡泡工具。希望到時見到你！ <項目業主背景> 泡泡巡遊是由一群在世界各地擁有共同理念的主辦人所舉行的國際快樂運動。我們希望通過和平的泡泡巡遊帶出「快樂是一段旅程」的訊息。全球泡泡巡遊是100Happydays Foundation的心血結晶，旨在促進社區多樣性和正面的互動。 Facebook Page: http://www.facebook.com/globalbubbleparadehk/ Facebook Event Page: http://www.facebook.com/events/287441145021015/ Event Sign Up: http://goo.gl/forms/zvMMkvjR0TNSkznI2 咁，5月28號見啦！