logo
環保
展覽
「甸:人在田中—另一面嘅香港」展覽

收藏

  • 2017年8月26至9月9日(逢星期二至日)5:00 AM - 11:00 AM (6小時)

香港九龍深水埗大南街186號地下

小智者

訂閱人數

大家知不知道原來新界東北有一片土地,一班「甸」人做「甸」事。他們努力作出很多非主流的嘗試,這一面是你所不知道的「另一面嘅香港」。 展覽以人在田中勞作為題;甸:家園、土地;探索在香港另一種生活可能性,引起人們的反思動物—人—土地三者間的關係。 主辦:馬寶寶社區農場 Mapopo Community Farm 合辦: (場地) 合舍 Form Society (攝影師) David Ng@Todayz Photography, Vincent Chan@Composethestory 印刷贊助:Kodak Express HK, 941in
咩咩出城宣傳路線: 第一站:富琴有機火龍果農莊 一直住嚮新界東北石湖新村的我,趁住展覽宣傳出下城,路過附近古洞好出名的富琴有機火龍果農莊,探下佢D細叔伯之餘,發現原來果園仲有大肥豬、恩愛貓、乖乖狗、大牛牛!琴姐仲請我食左個新鮮火龍果,真係好味到咩咩聲! 第二站:維多利亞港 上水有條梧桐河,老一輩叫佢做「鳳溪」,今日係我生平第一次走近個海,就是呢個維多利亞港。以前D細路背書話:維多利亞港水深港闊;後來又聽講話要填左佢--因為香港要多D土地發展喎。 不過睇黎睇去,港的兩邊都已經有好多排高樓,賣點係話有海景。咁個海越填越多、響前面果排的樓又係賣海景,後面果排點算?然後再填海,越填越多,最後,係咪最前果排係睇「樓景」?還是兩「岸」間叫「維多利亞巷」? 第三站:皇后碼頭 沒有CITY HALL,認不出「皇后碼頭」位置。昔日的位置。後面有個「小會展」在展覽(好似係),展什麼都唔緊要,最緊要係保安叔叔好緊張,見我路過在外面影相就望到我實,又係咁CALL台滙報。 香港人,RELAX D啦。得閒嚟東北食草,我請點話。 第四站:天星小輪碼頭 由細到大,我都一直聽D人話香港舊時是條小漁村,但明明羊咩我既祖祖輩輩一直都係香港到住,以前香港以農為生,大家都係食米大,香港並不只是「一條小漁村」。唉,可惜啊,羊咩我冇緣食到本地產既絲苗米啦,仲有好多野一直消失中!呢個「世界著名維多利亞港」越黎越細,搭船過對岸只係5分鐘。唯有影張相打下卡咁啦。等我再同大家講多點「你不知道的是」啦,下個打卡點待續。 第五站:摩天輪 來到摩天輪外,帶我出來的司機說,這是「幸福摩天輪」。我不明白。在天空轉了一圈,望望遠方極污染的空氣、密麻麻的樓宇、污染的海水、街上暴晒的工人在清潔街道卻得不到合理的工資。 我看到的,都不幸福。到底,是誰唱出這謊言。 第六站:横洲 羊咩咩除左住響東北外,我都有唔少親戚住響元朗架,元朗南、洪水橋、錦田我都識路架。 横洲,成日新聞都聽到,原來除左官商鄉黑,仲有大樹菠蘿,又有好多動物架,聽返呢度D村民講,佢地以前都有養過鷄和豬。其實講真,政府又話要拆古洞、粉嶺北,數埋數埋其實差不多同時時間開始也有横洲,原來洪水橋的土地好快都會被消失。咁,我地仲可以去邊度食草呢? 呢個村口頭就係村民守村三個月的地方,佢地話其實守村雖然又熱又多蚊,但當村民聚在一起守村時,真係越守越老友架,仲有好多野食添!村和家園,真係好重要架。 第七站:土丘 陝西有個華山,上水也有個華山,而上水華山有個好地方,叫「土丘」。 呢班後生仔好叻架!又識整面包 (我都好鍾意食面包)、又會做木工、製陶瓷,仲耕田添!佢地話喎,希望呢D活動可以聚多D人在這個「小山丘上」,一齊發掘生活的唔同可能。 佢地整嘢真係真係真係好好味架! 終點站是8.26合舍展覽啊!
展覽期間活動@合舍 1. 2017/08/26 6pm-8pm 提供食物及飲品 詳情:https://goo.gl/gATd69 2. <酒釀桂花丸子工作坊> x <電影咖啡館> 2017/08/29 工作坊 2:30pm-4pm(全滿) 電影咖啡館 7pm-9:00pm 詳情:https://goo.gl/129p7z 3. <酒釀桂花丸子工作坊 - 加開班 > 2017/08/31--2:30-4pm (僅加開一次) 詳情:https://goo.gl/Bx33Dd 4. 2017/09/08 7pm-9pm 提供食物及飲品
鳴謝: 攝影作品:David Ng & Vincent Chan 場地贊助:合舍 Form Society 相片印刷:Kodak Express HK, 941in 海報設計:Kayan Poon 毛筆字體:Kyan Kwok 協助拍照:馬寶寶社區農場各成員及合作農夫、養羊養蜂的華叔、村民、動物 宣傳隊司機:John Choy 策劃統籌:明樺及大吉
顯示位置

合舍 Form Society

香港九龍深水埗大南街186號地下

聯絡方式
http://www.facebook.com/pg/mapopo.page
則評價
登入後發表評價
相關事件
相關頭條
熱門頭條
關鍵字
  • 電影
  • 藝術
  • 馬寶寶社區農場
  • 生活
相關事件

立即訂閱 Timable 電子報

搶先掌握第一手玩樂情報

尋找更多你的心水活動

來得正好的時間

    相伴去體驗的人

      想到此一遊的地點

        精選分類的活動

          HK$ 0

          版權所有 © Timable Limited 保留一切權利

          網站條款

          聯絡我們

          立即訂閱Timable 電子報,搶先掌握第一手玩樂情報