唔知大家仲記唔記得上年免費開放太陽花田畀市民參觀嘅元朗信芯園呢？今年佢哋又再次因為寒冬而遲開花，搞到4萬支法國香水百合趕唔切喺農曆新年應市，而家先陸續開花。不過信芯園場主信哥好樂觀，仲話免費開放花田2星期，畀市民去賞花，亦都可以即場買花支持，暫定每支百合以低於成本價每支$10出售。大家記住把握機會喇！ 而為咗保護遊人同花田安全，今年開放期間，遊人唔可以再走落田，只可以喺田邊欣賞。大家記住眼看手勿動，要好好愛惜花朵呀～ 交通方法 九巴76K、綠色小巴76、紅色小巴17號「石湖圍」巴士站落車，沿左手邊大水管直入