The Underground步入14週年，有咩正得過同本地嘅獨立樂隊一齊玩音樂慶祝！ 14年黎，The Underground籌辦超過260場表演，超過500隊樂隊喺呢度表演過（部份更加係The Underground嘅常客），見證住無數初生之犢慢慢變得成熟。 呢個派對嘅開場嘉賓會係Laura Kenny，一為有迷人聲底嘅唱作歌手，會帶黎最受歡迎嘅acoustic pops。緊接住嘅就係搖滾樂手Ryan Hui嘅The Stay Up，將會用結他jam歌，high爆全場！ 然後，前輩22Cats事隔12年再於The Underground出show，佢地嘅音樂絕對會喚醒番大家對alt-rock嘅bands Radiohead, Dinosaur Jr 同 Sonic Youth 嘅回憶；你仲可能會認識佢地嘅結他手阿波 ，隨左22Cats之外，佢都係本地樂隊Teenage Riots嘅成員！ 接住將會聽到由Mr. Rockethead帶黎觸動你靈魂嘅groove；再黎就可以一齊跟住Still Minds主唱嘅一把rock到爆嘅聲，番到90年代，享受當時美好嘅陽光。 本地嘅搖滾代表Nowhere Boys會為party注入完美嘅節奏，展現絕佳嘅musicianship。同時迎接Kongo嘅出場！佢天馬行空嘅電子音樂會令你仿如置身Woodstock Festival，將Congo-led嘅blues rock打入你耳仔，令Santana同Jimi Hendrix嘅鬼才音樂呈現你眼前。 The Underground同時都為個party準備左大堆抽獎禮物，例如Edifier speakers、Volcom服裝禮券、Polaroid headphones 同埋Magic Organic嘅蔬果食物，十分豐富！ 14年黎，The Underground充滿住音樂人嘅血與汗、開心同友誼。 歡迎你加入我地嘅party，一齊跟隨bandsound嘅節奏，感受當中嘅旋律同自由。 ** 派對只係其中1個活動，而4月總共會有2個慶祝活動**