一年一度嘅荷蘭四月美食節 Orange Fest 即將喺 4 月嘅 27-29 日舉行。Orange Fest 係由荷蘭駐香港總領事館同 Asia Week Hong Kong 合辦嘅 Dutch Days （荷蘭日） 嘅主要節目之一。除咗慶祝 4 月 27 日荷蘭國王生日（King’s Day）之外，亦希望 籍着一連串活動宣揚荷蘭文化。 荷蘭極邪惡拉絲海鮮肉丸 Orange Fest 今年主打當然係荷蘭美食，除咗有好受大家歡迎嘅荷蘭鯡魚 Herring、 青口、生蠔外，仲有荷蘭炸肉丸 Bitterballen、炸肉捲 Kroket、充滿阿姆斯特丹風 味嘅 Chips with Mayonnaise 等等......主辦單位為咗豐富大家嘅選擇，仲特別加咗 其他美食元素如鬆脆龍蝦包、安格斯牛肉漢堡同一系列串燒燒烤美食。想一嚐荷 蘭芝士風味？今年會有荷蘭入口嘅芝士商品比大家品嚐。 大人細路都啱玩 Orange Fest 係一個適合任何年齡朋友嘅節目。埸內設有各式各樣嘅活動同攤位比大家玩，包括荷蘭木屐 Painting Workshop，大人小朋友都可以親手塗畫自己嘅 木屐擺設；有專業嘅 Face Painting 同扭氣球團隊為大家製作精彩嘅 Festival Look； 當然亦有小朋友最愛嘅充氣彈彈床同遊樂設施啦。 而家正推出小朋友專享嘅special package，只需港幣＄150 (原價港幣$200) 可以一次過玩荷蘭木屐Painting Workshop, Face Painting 同埋充氣彈彈床。想預先購買套票，可填妥下列表格 https://goo.gl/forms/hQsUwbBA7NyqNEjX2 4月28日將聯同本地荷蘭語言學校 Language One 合辦一個名為 King’s Place 嘅活動。屆時學校嘅一班荷蘭 學生會進行傳統嘅 King’s Game 遊戲及 Dutch Free Market，佢哋亦設有時段邀請 香港嘅小朋友一齊參與，同佢地一齊感受一吓荷蘭嘅節慶。 另外，今年主辦單位邀請本地專業壁畫設計師設計以荷蘭街景為題嘅背幕，畫面充滿 3D 效果，企喺指定位置拍攝，就會有如置身荷蘭小巷嘅感 覺。荷蘭人一向注重藝術創作，所以 Orange Fest 亦支持推廣藝術活動，邀請約 40 位小朋友參與背幕 painting 嘅環節。屆時將有專業壁畫導師免費指導塗畫及調色等技術，令小朋友可以親身參與同體驗壁畫創作。 Zentral 電音至chill之夜 上年有參加過 Orange Fest 嘅朋友，一定唔會唔記得本地知名 DJ 團隊 Zentral 嘅 精彩演出。今年佢哋將於 27 日（Orange Fest Music Night）晚上六時開始在場內 打碟，為 Orange Fest 展開序幕。當晚為購票活動，門票只需港幣＄150 包兩杯指 定酒精飲品及無限供應特色小食。忙碌工作過後想好好輕鬆吓，同班 Friend 一齊 摸吓杯底、聽歌跳舞，哩一個絕對係一個好嘅選擇。以為 EDM 音樂只適合年青 人？！喺荷蘭嘅小朋友好早就接觸唔同嘅 Music style。所以我地安排咗 Zentral 嘅 DJ 團隊喺 28-29 兩日喺美食嘉年華場內繼續為大家打碟，分享同交流佢哋音 樂之選。