秋高氣爽做咩好？唔洗諗！梗喺嚟12月2日嘅「樂活草地 • 秋日音樂遊藝會」玩啦！今年繼續有出色嘅藝術表演，例如：Beatboxing、Acapella、唱作樂隊、青年歌手、多元舞蹈、魔術表演……數都數唔唒呀！小朋友都有大把嘢玩架，包括大型互動充氣遊戲嘅「兒盈玩影」同親子充氣滾球區嘅「碧逑」，當中一連串刺激好玩嘅充氣競技遊戲，等緊活潑好動嘅你嚟挑戰！ 身為文青嘅喺你地今次執到寶喇！今年嘅文藝工作坊增加至6個！當中包括押花茶壺製作、小夜燈製作及木製手錶等等。想發揮創作小宇宙嘅你地切勿錯過，一齊創作屬於自己嘅藝術品！ 想坐喺草地上面感受秋意濃濃嘅氣息？絕對冇問題！我地有免費野餐蓆、輕便小食、飲品及精美紀念品送畀你地(數量有限，送完即止)……未完，你仲可以喺樂活草地買到香港嘅特色美食！點解？因為場內會有3架 香港特色美食車，為你地提供多款香港特色小食，包括：菠蘿包、餃子及燒賣等等！此外，大家仲可以去全透明充氣露營屋，一邊仰望翔空，一邊懶洋洋喺「露天」嘅泡泡屋休息，實在喺舒服到留口水！ 咁特別嘅週末又點可以唔打卡留念呢？樂活草地今年設置特別嘅影相地方「翠影留」，提供360度子彈時間動態攝影服務，畀大家喺美麗寬闊嘅草地上留下倩影，帶走草地上的美麗回憶，為愉快的星期日劃上完滿嘅句號。 想走進大自然、喺美麗的秋日美景下享受片刻的輕鬆?活動當日中午12時至下午5時，有免費穿梭巴士喺粉嶺鐵路站C出口來回會場。有興趣嘅朋友記得密切留意樂活草地嘅Facebook及Instagram專頁啦。12月2日，草地見，約定你喇！ Facebook專頁：樂活草地LOHAS https://www.facebook.com/lohasmusicfestival/