巨型鞋盒今日起等你嚟Unbox!呢個鞋盒三面都各有特色:有本地80後書畫家練黑親筆手寫嘅祝福語句,亦有展示潮鞋嘅Sneaker Wall,仲有透明LED幕牆,將鞋盒入面嘅世界融合動畫呈現眼前!鞋盒入面係咩?就係由台灣創作者 王建揚 設計嘅「波鞋宅」狂想館!快啲約埋班Friend嚟打卡,Unbox獨一無二嘅聖誕驚喜!
【手寫型格語句送上另類祝福】
淨係識講「聖誕快樂」冇乜新意?巨型鞋盒其中一面係塗鴉牆,展示由80後書畫家練黑手寫嘅特別祝福語句,無論係「Say 鞋 to 2019」定「Not lonely lonely Christmas」,都襯晒型格嘅你!快啲約朋友嚟THE FOREST,喺另類祝福語句前影張Selfie留念啦!
【「Sneaker狂想」打卡攻略】
今個聖誕,THE FOREST內外都充滿睇頭!除咗巨型鞋盒,行上1樓中庭,仲有用鞋盒砌成嘅聖誕樹,熱愛波鞋嘅你一定會鐘意!打完卡仲可以玩夾迷你鞋盒機,Unbox豐富獎品同購物禮劵添!嚟緊嘅星期六日,仲會有波鞋人體彩繪舞者現身「波鞋宅」同大家影相㗎!快啲約埋朋友嚟玩轉鞋盒啦!
「THE FOREST波鞋宅狂想館」之自由「樂」體攝影日
活動日期︰12月8日及15日 (星期六)
活動時間︰下午2時至4時
活動地點︰THE FOREST地下露天廣場
則評價