講起懷舊大家會諗起啲咩?傳統小食?經典遊戲?霓虹燈?嚟緊青年發展計劃 - 北極虹舉辦嘅 「青年港嘢嘉年華」一次過滿足你咁多個願望!
今次活動內容非常豐富,首先會有出色嘅藝術表演,例如:西樂演奏、band show、舞蹈表演、魔術表演、歌唱表演同扯鈴表演等等等等,真係數之不盡呀!
除咗表演,大家仲有機會參加唔同嘅工作坊,重拾當年今日嘅感覺!工作坊製作嘅作品都係有代表性嘅物品!活動當日將會舉行2個工作坊,包括小巴膠牌書寫工作坊同埋迷你霓虹燈製作!想製作一份回憶?想發揮你地嘅小宇宙?一定要留時間報名參加當日嘅工作坊啦!
嘉年華就一定會有攤位遊戲,實唔會悶親大家!活動當日大會將會有2個港式遊戲攤位,係到賣關子先,想知點玩就要繼續留意有關資訊,但只要你答中問題就有靚靚紀念品送返俾你!
係咪覺得差咁啲野?梗係啦!講懷舊點可以唔提懷舊食品!今次嘉年華為大家提 供傳統小食攤位,大家可以免費換領食品!係咪好吸引好想食呢,傳統食物買少見少,大家要珍惜仲可以食到嘅機會呀!
最後最後,當日仲有打卡位比各位拍照留念,值得一提嘅係之前好hit嘅潮語霓虹燈裝置同埋懷舊人力車將再次出現!
有興趣來臨「青年港嘢嘉年華」嘅朋友記得密切留意 "青年.「港嘢」嘉年華" Facebook專頁!約定大家3月3日見!
則評價