logo
節日
《女朋友。男朋友》社區院線情人節放映

收藏

  • 2019年2月14日(星期四)11:45 AM - 2:00 PM (2小時15分鐘)

香港九龍深水埗大南街198號 地舖

自由定價

HK$

睇好戲

訂閱人數

2月14日出街見到人成雙成對眼冤? 想同人瘋狂睇戲又唔想自己入戲院? 社院今個情人節又為一眾小獨獨準備咗好節目,就係一齊睇《女朋友。男朋友》啦!用台灣1990年野百合學運做背景,交織女神柱綸鎂、男神張孝全、鳳小岳單純又複雜,完美又有缺陷嘅三人行愛情,仲係2012年第十四屆台北電影節雙開幕片中唯一一部台灣電影。 參加方法好簡單 勇者可以在此post(https://www.facebook.com/hkcommunitycinema/posts/815685995448713)留comment,怕羞者可以PM社區院線page,內容3選1: 1. 心目中想示愛的語句 2. 愛情瘀事/表白瘀事 3. 三角戀 之後你會收到我哋PM確認message,就搞X掂啦! 其實唔單止小獨獨,single、complicated、in a relationship、open relationship、第三者都可以來,無任歡迎。 節日gathering,當然唔會就咁睇戲咁簡單啦。平時大家玩交換禮物玩得多,唔知交換EX送嘅禮物大家又玩過未? 聽落都好刺激呀。 完場後,我哋會開展「人總要向前望之EX禮物交換忘了初心行動」(簡稱 Operation EX)。玩法好簡單,參加者各自帶一份由EX送嘅禮物,拎出來簡介下,然後唔知點樣同其他朋友交換 (未諗);如果無EX嘅朋友,唔!緊!要!可以帶一份想送畀心儀對象,或FF心儀對象嘅禮物 (唔好太名貴啦吓),帶來同其他朋友交換。記住,當晚唔係speed-dating,大家係來識朋友,唔會有ice-breaking或O-camp遊戲,亦無交換電話/FB/IG環節,太太太猴擒者,面斥不雅呀。 大家又可以帶小小零食飲品過來分享下,不過謝絕即棄餐具,玩還玩,唔駛咁多垃圾,多多合作,謝謝大家。 今次放映版權電影公司收費為$1,200,大家到時畀少少幫補下啦。 名額有限,有買趁手。 來吧,瘋狂用comment和PM轟炸我吧。 最後最後,其實一個獨樂樂又好,兩個眾樂樂又好,男又好女又好,自己開心,自由自在就得架啦! 錢: 自由捐啦 (都係畀場地同電影版權費) 活動: 放映 + Operation EX 電影簡介 (導演: 楊雅喆) 2012年台北電影節雙開幕片,《女朋友。男朋友》透過兩男一女,歷經男女、男男之間愛情和友情的糾葛,剖析在時代的巨輪下躁動的青春和成長的苦痛掙扎,成就了跨越三十年的時代愛情故事,由桂綸鎂、張孝全和鳳小岳跨年代聯手演出。 十七歲的時候,阿良(張孝全 飾)與美寶(桂綸鎂 飾)已經密不可分,在同學眼中他們青梅竹馬。然而這樣親密的關係,當阿仁(鳳小岳 飾)在他們身邊出現後,就開始變質。反叛不羈的阿仁,常藉著阿良來接近美寶;但阿良對他不但沒有任何反感,兩人竟然繼續稱兄道弟;美寶意外之餘,更感到猶豫不決。「如果到了30歲,我們倆都沒有人愛,那就在一起吧。」對於美寶的這個約定,阿良沒有表態。無聲的拒絕令美寶轉而接受阿仁的追求,但阿良卻沒有退出三人關係,反而在大學時代靜靜化身成阿仁的學運伙伴,令三人連結得更緊密。隨著漫長歲月的洗禮,三人美好的關係逐漸變得迷失,陷在友情與愛情難分的泥沼中… 《女朋友。男朋友》是憑《囧男孩》獲台北電影獎最佳導演的楊雅喆蟄伏四年後的作品,影片不但在台北電影節囊括最佳男主角(張孝全)、男配角(張書豪)與媒體推薦獎三項大獎,同時入圍第49屆金馬獎最佳劇情片、最佳導演、最佳男女主角、最佳男配角等七項提名。
顯示位置

openground

香港九龍深水埗大南街198號 地舖

聯絡方式
https://www.facebook.com/hkcommunitycinema
則評價
登入後發表評價
相關事件
相關頭條
熱門頭條
關鍵字
  • 電影
  • 愛情
  • film
  • movie
相關事件

立即訂閱 Timable 電子報

搶先掌握第一手玩樂情報

尋找更多你的心水活動

來得正好的時間

    相伴去體驗的人

      想到此一遊的地點

        精選分類的活動

          HK$ 0

          版權所有 © Timable Limited 保留一切權利

          網站條款

          聯絡我們

          立即訂閱Timable 電子報,搶先掌握第一手玩樂情報