Update 31/3/2021: 4場演唱會入座率提升至75%，門票公開發售 對於有更多觀眾能夠入場，阿偉表示：「當然開心，因為可以多啲人入嚟同我哋玩，一齊感受現場氣氛，因為大家都餓咗好耐show，加上之前幾場嘅飛都仍然有朋友話買唔到，希望今次再加推等更多人買到，到時一齊享受返一晚玩返一晚！」

---

Update 19/3/2021: RubberBand眾成員聽到門票被搶光，都感到難以置信，阿偉更表示：「非常開心，衷心多謝樂迷支持，因為喺咁嘅環境底下要開一個show真係唔容易，大家咁踴躍熱烈去買飛，真係打從心底好感動，所以多謝以外還是多謝。我哋承諾會盡我哋嘅能力做到最好。」由於太多樂迷在網上跪求門票，RubberBand跟大會商議後，決定加開4月6日最後一場，恕不再加，眾人更特意拍下搞笑短片，公告會在6號身上「加長」，怎料6號即忍俊不禁，笑言所指的是日期呢！ 音樂會場數由2場加至4場，阿偉坦言都有擔心過體力是否能應付，但他承認已豁出去，並說：「唔理喇！大家咁支持我哋，總之盡做，喺開show前呢段時間會練好歌，同埋會好好保養身體，希望到時以最佳狀態同大家見面。」至於要唱足4場的6號亦透露眾人已進入備戰階段，他說：「我哋已經同鍵琴手Patrick Lui日日返Band房彈返熟啲歌，下星期就會同今次龐大嘅Band Member綵排。我都有擔心過體力，但唔諗咁多喇。其實我都已經開始戒辣，另外早排都有專誠搵唱歌老師教導一下點樣喺唱歌方面㩒捱啲，不過相信到時每晚做完show都會講少啲嘢，飲多啲水。」6號又指4人平時都有做運動，但卻不是典型操到好fit的一類人，他們反而更注重精神狀況，會務求Keep到最好來與樂迷聚首。

---

再見，然後再見 他說對未來感到恐懼， 移往新的時區。 他說彼此信念有差距， 失散茫茫人堆。 他沒說一句， 悄然踏進天國去。 我們由練習說再見， 漸漸習慣說再見。 別離，無奈唏噓，再聚，只因相信。 總盼望，某天某地，我們會再聚。 Ciao，是Goodbye，也是Hello。 RubberBand Ciao音樂會， 從聚到散，從散到聚， 約定你，再見，然後再見。 今次以「Ciao」這個意大利文作為音樂會的主題，是有特別含意，泥鯭解說道：「其實『Ciao』包含咗Hello同Goodbye嘅意思，係我哋每一日都會講嘅說話，尤其是呢幾年，大家對於呢句說話都特別有感覺，因為身邊都有好多唔同形式嘅分離或散聚嘅事情，例如移民、生離死別等等各種原因，呢個topic係我哋喺呢段時間最有感覺嘅，所以音樂會就用咗呢個主題。」 為了今次音樂會，RubberBand將會配合主題製作全新歌曲，不過阿偉表示至今仍在製作當中，成員們都希望趕得切在音樂會上跟大家見面。除此之外，《RubberBand Ciao 2021》將延續專輯《i》的特色，加入管樂的部份，6號表示：「今次想將管樂呢一種色彩再延續落去，因為難得辦到實體嘛！而且一個咁龐大嘅陣容，正正可以呼應到我哋散聚嘅主題，所以我哋表演單位都好期待同上次合作嘅朋友一齊演出今次嘅音樂會。」

---

座位表

---

​ Update 23/2/2021: 詳情公佈，門票將於3月中公開發售 Update 8/1/2021: 收到可靠小道消息，4月開紅館，暫定2場，有加場空間，仲話只要紅館開返，就算得50%入座都會照做！詳情有待官方公佈！ Update 6/7/2020: 消息指是2021年在紅館開的 Update: 為配合專輯推出，演唱會延期至11月中 Update: 疫情未退，應該都是要延期了

---

RubberBand 話3月會開Show，配合新碟推出，正呀！對上一次開已經係18年啦～各位膠迷又有得現場丁膠喇～ ．請勿誤信非官方售票渠道