歷史檔案館由 8 月 23 日起逢星期一至五,上午九時至下午五時四十五分(公眾假期除外)喺觀塘翠屏道 13 號香港歷史檔案大樓 2 樓展覽廳展出「言歸『證』傳」展覽,以香港身份證為主題,同大家介紹身份證 70 年嚟嘅演變。展覽免費入場。
展覽會重點介紹身份證設計變化嘅因由,展出超過 70 件館藏。除咗入境事務處借出嘅歷代身份證同製作身份證嘅用具之外,仲包括同香港人事登記有關嘅照片,例如上世紀 60 年代市民拍攝身份證相片同流動登記隊出勤時嘅珍貴歷史照片,以及政府宣傳登記身份證嘅海報等展品。
因應疫情,展覽廳會加強清潔,參觀者亦必須遵循香港歷史檔案大樓嘅防疫措施,包括喺大樓期間必須一直佩戴口罩,以及進入大樓時接受體溫檢測同使用酒精搓手液、使用手機掃描「安心出行」二維碼或另作登記。
此外,另設網上展覽(
https://www.grs.gov.hk/ws/online/hkid/tc/index.html ),亦會喺 Facebook 專頁分享有關香港身份證歷史嘅有趣資訊同埋巡迴展覽嘅詳情,政府檔案處網頁(
http://www.grs.gov.hk )亦會發布相關消息,歡迎大家瀏覽。
* 展覽期至官方另行通知
為咗方便住喺港島區嘅朋友,會由 9 月 4 日至 11 月 28日 喺入境事務大樓 (1 連接行人天橋層) 舉辦「言歸『證』傳」巡迴展覽!
有關其他場地嘅巡迴展覽,資訊將會陸續更新。
另外,亦會喺 9 月 4 日喺香港歷史博物館舉辦講座,題目係「從歷史檔案看身份證的演變」。講座將會以粵語進行,介紹呢次展覽內容同埋歷史檔案館嘅工作同服務,座位數量有限,先到先得。
巡迴展覽同埋講座都係免費入場㗎!
則評價