全球疫情之下,無論本地還是外地的演出都大受影響,咁多位金屬頭自然少左好多參與現場表演嘅機會,每日見住外國嘅音樂節消息鋪天蓋地展開,相信大家嘅肉體同心靈都餓得發慌了。所以 Hong Kong Metal Alliance 決定喺今年 10 月 31 號萬聖節晚上喺 Music Zone 舉辦一場特別嘅金屬樂隊演出。
公元前五百年,居住喺愛爾蘭、蘇格蘭等地嘅塞爾特人相信 10 月 31 日係夏天正式結束嘅日子,故人亡魂會喺呢一日回到故居地,喺活人身上找尋生靈,藉此再生。而活著的人則懼怕亡者來奪取自己嘅靈魂,於是大家就係喺呢一晚熄哂爐火、燭光,等亡者嘅靈魂搵唔到活人,並將自己打扮成妖魔鬼怪嚇走亡者嘅靈魂。之後佢地又會將火種、燭光重新燃起,開始新一年嘅生活。
同樣地 HKMA 都希望藉住當晚嘅演出引導大家找回對 Live Music 嗰份熱情,將呢團火重新燃燒起來,喺群魔亂舞嘅萬聖節釋放壓抑已久嘅能量!
陣容包括:
The Ancient Mental、Cadaver、Cryogenic Defilement、Protoss、Shepherds the Weak 及特別嘉賓
則評價