由太陽娛樂、寰亞娛樂、棋人娛樂、CR 娛樂製作主辦，POPM 製作，FWD 富衛保險呈獻，2021年全新本地音樂會系列《我是現場》音樂會 004 將為樂迷帶來鄭欣宜 x C AllStar 的五人組合，在聖誕蒞臨之前，與大家提早歡度節日。 過去 Joyce 與 C AllStar 都有同台演出的機會，但聯手開 Show 卻是首次。難得與 C AllStar 聯手霸佔 Star Hall，Joyce 揚言要挑戰不太擅長的和音！Joyce 說：「C AllStar 做嘅 A Capella 好靚、好和諧，但我係和音災難，但都想突破自己，同佢哋夾一 Part，唱一首歌都好。」對此 C AllStar 都十分歡迎，安仔更提議：「有啲歌可以有個高音部，就等 Joyce 挑戰一下。」除了合唱外，King 想為 Joyce 的作品「加料」，他說：「Joyce 有好多跳舞歌，或者幫佢做 Remix，做啲電子上嘅合作。」 音樂以外，相信很多樂迷都很期待欣賞 Joyce 於現場跳舞，她當然樂意至極，更說：「如果 C AllStar 可以同我跳舞梗係更好啦！之前為咗音樂會開會，我好似偷聽到釗峰話想跳舞。」釗峰笑言：「會盡量配合 Joyce，喺佢隔離伴舞，佢勁歌我哋十字步。」Jase 更說：「我哋會為 Joyce 新研製四十步，4 個人跳十字步，就係四十步。」 鄰近聖誕這個 Joyce 與 C AllStar 最愛的節日，五人坦言未開 show 已興奮，更期望將節日氣氛帶到我是現場的現場，興之所致，或有機會即席讓樂迷點歌，與眾同樂。釗峰說：「如果有人點英文歌，咁 Joyce 就可以係英文歌擔當。」安仔聞言即道：「點歌的話就真係我是現場喇！好貼題！」釗峰又補充說：「我仲想睇 Joyce 臨場爆肚，大家都知，女歌手嚟講，佢講嘢都係首屈一指，希望佢爆肚時我哋都可以好歡欣。」 未開 show 淨聽五人的對答已經十分惹笑，相信《FWD 富衛保險呈獻 “我是現場” 音樂會 004 鄭欣宜 x C AllStar》定必為樂迷帶來最歡欣又暖心的 X’Mas Live Moments。