假日想去西九文化區休閒放鬆吓？除咗近期熱門嘅M+博物館，藝術公園同海濱長廊之外，附近嘅香港西九龍站都係一家大細嘅好去處！今年聖誕節期間(12月23至27日)車站會限時開放並舉辦不同活動，之後逢週末同公眾假期都會開放。大家可以參加由高鐵職員帶領嘅車站導賞團，仲可以到限定打卡位影靚相同喺現場買超值免稅商品！而為咗方便駕駛人士，香港西九龍站停車場亦都會重新開放俾揸車朋友使用。

---

活動1：免費導賞團　探索香港西九龍站 香港西九龍站屢獲建築獎，流線型嘅建築設計充滿現代感。如果想深入了解香港西九龍站嘅建築特色同站內嘅藝術作品，千祈唔好錯過參加由高鐵職員帶領嘅「車站導賞團」，費用全免。除咗站內參觀，大家平日亦可以沿站外嘅「天空走廊」一直行上站頂嘅觀景台欣賞香港標誌性嘅天際線同西九文化區嘅建築，絕對係西九龍區必check嘅人氣打卡熱點！即睇導賞團時段同登記方法啦！ [導賞團時段] 2021年12月23至27日及之後逢星期六、日及公眾假期 第一節：10:00-11:00 第二節：12:00-13:00 第三節：14:00-15:00 第四節：16:00-17:00 [報名方法] 於每節導賞團時段開始前30分鐘到香港西九龍站B2層 - 旅客服務櫃位登記，每節時段限30人，額滿即止。

---

活動2：期間限定 影相旅遊打卡位 未能出遊都想去個偽旅行打下卡？嚟香港西九龍站就可以帶你一秒置身紅葉美景或向日葵花海之中影相打卡，甚至化身滑雪健兒一展身手添！高鐵迷更可以扮車長於駕駛艙內同港鐵「動感號」合照，趣味滿分！ 位置：香港西九龍站G層–近F出入口

---

活動3. 香港免稅店期間限定店 — 超值價掃貨 心郁郁想買啲禮品獎勵自己同埋送俾親友？香港西九龍站開放期間特別設有香港免稅店期間限定店，多款商品以超值價特別發售，包括美容、美酒、電子產品、時尚服飾和配飾產品等，送禮或自用都令你滿載而歸！ 位置：香港西九龍站B1層 - 近票務處 另外，車站仲有獨家高鐵精品以優惠價發售，鍾意收藏嘅朋友千祈咪錯過！ 位置：香港西九龍站B2層 - 旅客服務櫃台

---

香港西九龍站停車場重新開放 為方便前往西九文化區的駕駛人士，車站停車場將於2021年12月23日起重新開放予公眾。 [日期] 2021年12月23日07:00起每日開放 [泊車收費] 標準收費：每小時 $32 日泊：$130 (由 08:00 至 20:00) 夜泊：$100 (由 20:00 至 08:00) 港鐵泊車轉乘：每小時 $17# 付款方法：八達通、VISA 或萬事達卡 #使用八達通乘客，必須使用同一張八逹通進出停車場及泊車期間乘搭港鐵或機場快綫 (輕鐵、港鐵巴士及港鐵接駁巴士除外)，並由乘搭港鐵及機場快綫車程至付泊車費期間，以該八達通所作的所有交易不超過9次，方可享有泊車優惠。

---

樂遊香港西九龍站 [日期] 2021年12月23至27日及之後逢星期六、日及公眾假期* [時間] 09:00至21:00 [如何前往] 由港鐵柯士甸站C出口步行約3分鐘；或由港鐵九龍站C出口，經圓方步行約5分鐘。 *開放日期或有所更改，請留意最新公布。 詳情：https://www.highspeed.mtr.com.hk/tc/latest-news/Visit-Hong-Kong-West-Kowloon-Station.html