Update 22/2/2022 港嘜市集 FB:
一連兩個多月嘅港嘜市集圓滿結束啦
多謝大家一路以嚟對我哋嘅支持同鼓勵
我哋由全新市集搞手,一路走到依家,甚至喺各大資訊平台都有港嘜嘅蹤影
全靠檔主們嘅捧場,客人們嘅支持!
奈何,疫情再加上政策令我哋冇辦法喺短時間內搞到市集,冇得同大家歡聚
不過俗語有話,希望在明天呀嘛!我哋會蓄勢待發,會預早做好準備功夫,係不久嘅將來為大家帶嚟更精彩嘅市集活動!
約定你,不見不散
一年一度嘅情人節又嚟啦!
疫情期間,好多活動都被逼取消,情侶們係新年嘅時候都冇乜點出街拍拖。適逢情人節,港嘜市集為各位 “BABY” 們提供一個可以拍拖嘅場地。情侶們可以係市集影 sweet sweet合照,又可以選購情人節禮物。港嘜市集亦為各位招攬本地品牌檔主,將本地品牌帶到大眾視野,讓各位都有更多選擇,唔使年年情人節都係買個幾款禮物送俾 BABY!
我哋將佈置 3 米闊嘅「大型 IG 打卡位」,配合情人節主題,令大家沈浸係節日嘅氣氛入面。大家除左可以喺市集行街買嘢,仲可以影好多靚靚情侶相添!
* 營業時間或按需要作出調整
情人節市集特別活動
[有 MIRROR,情人節唔洗同前夫過喇!]
因為 MIRROR 年宵反應熱烈,港嘜市集決定再次舉辦 MIRROR 市集,配合情人節主題,為鏡粉帶嚟最熱鬧嘅 MIRROR 市集!
屆時會有 MIRROR fanspage 派發免費應援,將會聚集一眾鏡粉,一齊同 MIRROR 12 子過情人節
日期:2022 年 2 月 18 至 20 日
時間:1:00p.m. - 10:00p.m. (營業時間或按需要作出調整)
則評價