點解有時我哋會覺得某啲歌聽落好「甜」呢？ 喺大自然中，甜味即是代表糖分，代表吞落肚後就可以分解代謝，產生行步路都必需要嘅能量，同時亦會刺激大腦分泌多巴胺，鼓勵人去攝取更多糖分 ——— 如果某首歌令你覺得甜，咁係因為早有研究證實聽音樂，尤其係啱聽嘅音樂同樣會令人腦分泌多巴胺，鼓勵你聽多幾次 8 月 28 日，嚟現場聽聽三位值得聽多幾次嘅唱作單位 : 由〈棉花糖〉、〈火花〉時期走出 jazzy 說唱風格，今年以一首〈Giggle〉作新發展嘅 Triple G；由期昐目光嘅〈FIREFLY〉到三娘教子嘅〈LOOK AT ME〉，造型歌路可甜可辣嘅 R&B 女伶 KALAI 家麗；再加上以〈香港地 Pt.II〉〈S.H.I.T〉輕鬆糅合說唱、band sound、旋律性三種要素，地道青蔥得嚟有點兒令人聯想起 347aidan 嘅新銳唱作人 dessy 守一 。 - 是次演出門票不作公開發售，想買飛嘅請到 OC2S 官網 http://oc2s.co，碌到最底 subscribe 輸入 email 接收 ticket link。 - 所有入場人士必須遵守防疫條例，入場時出示疫苗注射記錄及使用安心出行。