Update 11/10/2022: 我是現場音樂會 006 反應熱烈！現加開11月8日（星期二）一場！

---

FWD 富衛保險呈獻 我是現場 音樂會 006【陳健安 & The Hertz】 既然一切都未知道， 你要跟我乘上這末日快車嗎？ 讓我們在錯誤的宇宙飄呀飄呀飄， 俯瞰世界美態再崩壞， 讓我陪著你一起出走千百里尋找⋯⋯ 11 月，The Hertz is On。 安仔與 The Hertz 已試過多次合作，但合作開 Show 卻是首次，The Hertz 道：「我哋好欣賞族長，已經合作過兩次，不過兩次都只係合作幾首歌，今次可以一齊搞一個 concert，定晒成個旅程嘅歌單、然後再重新編排，真係好令人興奮！」安仔本身都很喜歡 The Hertz 的作品，所以同樣期待能夠擦出火花，他說：「The Hertz 嘅作品除咗 Dreamy 仲好 Groovy，聽佢哋嘅歌會 Chok 甩頭。呢啲曲風都係自己好喜歡，所以好早之前我喺 Online 搞嘅個人演唱會《本原祭》就搵咗佢哋做嘉賓，玩得好開心！我同主音 Herman 都鍾意 Britpop、British rock，所以今次喺曲風上面應該會好好玩，好期待改編同唱大家嘅歌。」 音樂上的火花，要坐埋一齊 Jam 過先知，但兩個單位暖男的一面，大家早已見識過，安仔俏俏分享了他所認識的 The Hertz，道：「The Hertz 嘅歌詞由鍵琴手 Him Hui 負責，好少可 Band 填詞可以填得咁好，同時又好貼地。其實以前喺唔同嘅 Event 同音樂會都夾過好多次，知道 Him Hui 會好細心去聽你唱緊乜嘢去彈每粒音，係好有 feel 好有感情嘅鍵琴手。」The Hertz 亦分享了鮮為人知的一件小事，主音 Herman 說：「族長私底下同喺台上分別唔大，都係十分溫暖同埋 caring 嘅一個人。覺得咁樣嘅佢好好，好真。上次我哋搞專場前，佢喺電話對我嘅鼓勵令到我冇咁緊張，同埋喺台上講嘅一番說話我哋都記到今日。所以純粹可以話族長真係一個好好嘅人！」 說回今次《我是現場》006，創作總監康家俊特別從兩個單位的作品中取得靈感，並為是次音樂會定立了標題：The Hertz is On，末日快車在錯誤的宇宙尋找愛，康家俊解釋創作意念道：「很多人都一直向前衝，甚至是橫衝直撞，但到底向著哪個方向？目標是甚麼？卻從來沒想過，向前衝有時會帶有傻勁，有路就行，唔理咁多，結果前面係咩未必睇得清望得見。現今世代，其實需要問題多於答案，最怕啲人以為自己可以提供答案俾人。」安仔與 The Hertz 也十分認同康家俊的說法，更期望今次可以藉著我是現場，為大家帶來一個思考的開端，他說：「向前衝中間有時都會停，會遇到阻礙或掙扎。其實係一個信念，相信我想去到某個地方，《我是現場》可以係一個 Open End，引領觀眾開始思考。」Herman亦道：「向前衝有時會迷失、迷惘，希望《我是現場》可以引發大家思考，完 show 後觀眾可以搵到自己嘅想法或答案。」

---

有關我是現場 This is Live 本地音樂會系列，由 2021 年 6 月開始，共八場演出，以音樂與你拉近距離，一同建構我們的現場，拼湊出精彩人生，This is Live。 「我是現場」將開創出一個本地製作，全新的音樂會系列，邀請多個本地音樂單位聯乘合作，透過令人驚喜的音樂人配搭，碰撞出熾熱火花，並為久未逢甘露的本地樂迷帶來極具生命力的全新音樂體驗，創造線上演出無可比擬的、有著溫度的 Moments。

---

* 因場館防疫規定，進入場館必須持有並出示「疫苗通行證」。 （一般成人若已接種第二針滿 6 個月，必須接種第三針方可進入場所，詳細安排請參閱：https://www.coronavirus.gov.hk/pdf/vp_t1_CHI.pdf ） * 入場館前必需利用「安心出行」手機應用程式掃描場所二維碼並向場館職員出示已掃瞄畫面。 * 閣下有發燒症狀、體溫高於 37.5 度或未有佩戴口罩，主辦方有權拒絕閣下進場，演唱會門票費用、購票手續費恕不退還。 * 現場嚴禁飲食，觀眾須在演出期間全程妥善戴上口罩，如有違反，主辦方有權請其離場。

---

Follow 埋 Timable 演唱會 FB 專頁： https://www.facebook.com/timable.hk.concerts