日本 Hip Hop 界目前最受矚目嘅 rapper 之二，Awich 、 JP The Wavy 即將抵達香港！同場更會有香港單位 YoungQueenz 加入呢場盛宴，Rising Asia Tour Live in Hong Kong 將會於 6 月 2 日同大家見面！ 來自日本沖繩嘅 Awich，名稱源於日文本名——浦崎 亜希子嘅英文直譯縮寫 "Asian wish child"。成長於沖繩嘅 Awich，從小就接觸美國 Hip Hop 文化，由其以 Tupac Shakur 對佢嘅影響最深。十三歲寫下第一份詞，直到 2007 年廿一歲第一次以 Awich 嘅名義推出首張完整專輯《Asian Wish Child》。很不幸地，2011 年嘅佢受到丈夫被殺嘅慘痛經歷，引發起 Awich 對於生命、愛、寬恕嘅思考。事隔多年，Awich 再次集中創作，作品嘅韻味及深度亦得到昇華。精通日語、沖繩語、英語嘅佢亦喺歌詞創作上獲得更特別的 flow。火辣、堅強嘅 Awich 就喺佢最新一張專輯宣告要成為日本嘅女王，"This is my Queendom"。女王級嘅饒舌展現出不一樣嘅霸氣。Awich 嘅說唱絕對係為日本 Hip Hop 帶來新嘅一面。 JP THE WAVY，來自日本東京嘅 rapper，於 2017 年憑藉一首《Cho Wave De Gomenne》火速得到關注。一夜成名要維持熱度亦唔係容易，所以喺第二首單曲《Neo Gal Wop》，WAVY 亦嘗試用唔同嘅角度去展現聲線嘅可塑性。期間又與不同 rapper（MIYACHI、Sik-K、OZworld、LEX、¥ellow Bucks）合作，WAVY 嘅 style 確實配上每位 rapper 都有特別嘅化學作用。而喺上年發佈嘅《Mango Loco》入面仲有個小驚喜，原來 WAVY 其實除咗饒舌之外仲識得跳舞！ 面對兩位日本當紅 rapper，香港嘅表演單位亦搵嚟 YoungQueenz 一齊將當晚嘅氣氛帶到極致！６月２日星期五晚，無論你是 Awich、JP THE WAVY 定係 YoungQueenz 的嘅歌迷，呢場演唱會絕對不容錯過！ 進場：19:00 | 開場：20:00

---

Follow 埋 Timable 演唱會 FB 專頁： https://www.facebook.com/timable.hk.concerts