七七事变，又称芦沟桥事变、七七卢沟桥事变，係1937年7月7号发生喺中国北平嘅卢沟桥嘅中日军事衝突，日本就此全面进攻中国。七七事变係中国展开全国对日八年抗战嘅起点。 政治背景 自1937年日本二二六事件开始，日本国内政局动荡不安，政府迫切需要转移国内民众嘅视线，解决接踵而来嘅经济、政治问题。而《何梅协定》签订之后，中华民国政府响华北嘅势力锐减，客观上为日本发动战争提供咗有利条件。 1936年西安事变和平解决之后，中国国民党同中国共产党达成协议共同抗日，两党再次走向联合，亦即係所谓嘅第二次国共合作。 地理背景 卢沟桥喺北平城西南约15公里嘅永定河，係北京通往南部各地嘅咽喉要道。宛平城建于1640年，係捍卫北京城嘅军事要塞。 经过 1937年6月起，日本嘅中国驻屯军几乎每日都喺卢沟桥附近进行所谓嘅军事演习。 1937年7月7号日本嘅中国驻屯军係未通知中国北平地方当局嘅情况下，响国民革命军驻地附近进行「军事演习」。夜晚日军话有一个士兵失踪，要求进入北平西南嘅宛平县城（现时嘅卢沟桥镇）搜查。国军拒绝咗呢个无理要求。日军于是喺夜晚八点开枪开炮猛轰北平卢沟桥，向城内嘅中国守军进攻。国民革命军第29军37师219团（团长吉星文）奋起还击。 事件后第二日中国共产党就发表抗日通电，要求中华民国政府儘快履行喺西安事变时嘅承诺。时任国民政府军事委员会委员长嘅蒋介石响7月17号喺庐山谈话会上边宣佈准备应战同埋必要时守土抗战到底嘅决心。7月28号、7月30号，日军相继佔领北平、天津。中国抗日战争（又称第二次中日战争）正式爆发。 1937年，国民革命军守卫卢沟桥 1937年，国军第29军抗击日军 1937年，日军侵入宛平城，耀武扬威 1937年，日军攻佔北平城