节目一(片长: 53mins) 2013 亚太广告节精选 日期及时间: 29/11 7:30pm | 1/12 8:30pm | 8/12 2:30pm | 14/12 2:30pm & 6:30pm 之场次将放映香港广告商会金帆广告大奖精选; 片长20 mins　 香港本土老店情怀水滚茶靓，内地街坊熟到争住交出屋企条匙，今时今日真事改编最为离奇！为咗创意，你可以去到几尽？一班街舞狂人着住Nike用双脚绘出跨媒体嘅黑夜华丽，毒乐乐不如众乐乐，呢头日本素人一人一格真漫画；嗰头喷火屁鸭hit到上泰国新闻，但人报你就信咪输咗啰，唔係个个够胆喺闹市开咪直斥污水沟平价奶，然后大喊「我是孟买」... 节目二(片长: 66mins) 2013British Arrows广告大奖精选 日期及时间: 30/11 2:30pm | 1/12 4:30pm | 7/12 5:30pm | 8/12 8:30pm 英国金箭大奖简直箭箭惊心同倾心。喺戏院睇紧戏，严禁拨打手机係天经地义，但到左荷里活，就搞到好似反恐──没收你个手机，倒哂你买嘅爆谷，更有保安狗狗在戏院场内四围走，务求要你收声！第一日番工，老闆神速带你走上走落，介绍HR, PR, IT, WC, Admin, Finance… 节目三 (片长: 53mins) 2013美国AICP广告大奖精选 日期及时间: 30/11 4:30pm | 4/12 7:30pm | 8/12 6:30pm | 12/12 7:30pm 美国AICP尽显大将之风，恶搞经典无有怕！全民公审三隻小猪残杀灰狼奇案，谁是谁非原来掌握喺媒体手上；无头骑士都被copywriter嘅鬼匠神工写到死剩个头，吓鬼咩！日光日白，几十个基斯保罗排成连串定格动作控球上篮，完美示范静态动感，到底係装置艺术抑或真身拍摄，我觉得呢条片相当有嫌疑……朗拿度慢镜转身射个世界波，哎呀!回归基本步先考真功夫。富国小孩最憎收唔到wifi、又最憎咬住香口胶饮冰水，第三世界儿童一脸无邪咁尝试理解佢地眼中嘅世界末日... 节目四(片长: 64mins) 2013西班牙及葡萄牙语系广告节精选 + 2013中东晶英广告节精选 日期及时间: 30/11 6:30pm | 1/12 6:30pm | 7/12 7:30pm | 14/12 4:30pm 西班牙及葡萄牙语广告电影语言破格，明踩暗串荷里活！《天使爱美丽》般法式盏鬼镜头下，你阿妈对你嘅一举一动、一言一行、一喊一笑，都有睇穿睇透嘅超能力，当然，她亦会用同样异能采购吞拿鱼！摄影史上嘅灵魂人物拎住部Leica走过烽火大地，共度缠绵长夜，浪摄过浪摄流。平凡如你我，「卡嚓」片刻同样组成人生，唔好日夜挂住喺Getty揾相啦，有时间用六头肌扭住腰打乒乓波好过... 中东晶英广告节在2005年创立，是全球首个阿拉伯地区嘅广告节，观赏机会难逢！古灵精怪玩转全城，呢边厢，指挥家、司机、交通督察无啦啦中途离场，鸡飞狗走天下大乱，无非想提醒大家国会选举记得要撑到尾！嗰边厢，卖布师傅大晒压薄饼手艺、警察查身顺便摺埋裤骨，转行趁早呀老友!当杜蕾斯遇上阿拉伯，品牌大佬都要转个玩法: 有味画面静鸡鸡渗入YouTube，少少咸多多趣... 节目五(片长: 70mins) 2012韩国影像广告节精选+ 2013西班牙及葡萄牙语系广告节精选 日期及时间: 30/11 8:30pm | 1/12 2:30pm | 6/12 7:30pm | 8/12 4:30pm ; 14/12 8:30pm 韩风继续吹，随时随地吓你一跳！地铁隔离位美女着住牛仔裤忽然弹起跳芭蕾，轻盈舞动都市魅力；肌肉型男英勇man抱遇溺女子，想抄底个型男电话以身相许，点知係水警救援热线！韩国绝技始终都係深情牌，三星相机系列再度溶化万千国民的心！微笑天使韩孝珠伙拍羞涩男孩李帝勳，毕业典礼上恶搞情敌幅相，大学鸡小动作sweet爆镜头；long-d传情即影即send... 座谈会: 广告与数码平台、流动电话和社交媒体如何接轨 日期及时间: 7/12 2:30pm - 4:30pm 报名: www.hkaconlineregistration.com