讲乜鬼？ 广东话博大精深，一个「鬼」字包含多重意思，唔同用法有唔同意思。「鬼」字解「鬼魂」，七月「鬼节」、十月"哈佬喂"去兰桂坊「扮鬼」，港女「揍鬼」。香港人叫西人做「鬼佬」，政府喜欢请「鬼佬」做顾问专家。政府架构係「画鬼脚」，互相卸责。高官言语伪术「鬼话连篇」，讲大话「呃鬼食豆腐」。政党「鬼打鬼」。议员扮鬼佬「鬼声鬼气」讲「烂鬼」On On 英文。政府宣传源头减废「大嘥鬼」，起西九使咁鬼多钱先至係「大嘥鬼」。「把鬼」邮轮码头漏水无船肯泊。市民闹大业主地主係「吸血鬼」乱加租呃尺赚尽血汗钱。小贩见到专虾老人家嘅小贩管理队大嗌「走鬼」。大陆旅客车厢饮食周街方便，引起途人骂战「鬼煞咁嘈」。香港咁鬼乱，咁鬼多好笑嘢，咁鬼多嘢可以闹，政改改乜鬼呀，揾鬼做特首算啦！ 导演、编剧、设计: 胡恩威 音乐总监: 孔奕佳 演员: 陈浩峰、锺家诚、伍嘉雯、杨永德 - 演出长约100分钟，不设中场休息 - 广东话演出 节目单张 http://issuu.com/zuni_icosahedron/docs/ewww11