歌手郑敬基为下月的演唱会举行记者会，请来好友钱嘉乐、黄宝欣、李婉华助阵，在台上齐齐用酒杯敲小钢琴造势。谈到黄宝欣将会参与演唱会，郑敬基说: 「佢结婚后都冇演出，本身都係用博吓嘅心情请佢，始终今次係个好好机会，想请返原唱者，我都同佢讲，小朋友开始大去外国读书就会好闷，睇吓今次会唔会揾返个兴趣。」他又大讚黄宝欣唱歌与当年依旧一样好。 讲到当年电视剧《烈火雄心》的「南山三虎」都会演出，郑敬基表示一直都有跟钱嘉乐联络，今次16年后能再次聚在一起表演亦多得钱嘉乐。至于《Home Alone》的郑伊健和蔡济文，郑敬基说：「因为《古惑仔》个骚同我有啲近，好似话有个例太近唔得，睇吓佢用咩情况出现，亦都有位同火有关的导演朋友会嚟，今次係『寻人音乐会』嚟，我问伊健，佢话得但你揾唔到蔡济文我冇理由嚟，到我揾到蔡济文佢又话要问吓林珊珊先。」 另外，郑敬基又透露有邀请曾志伟，因为今次回港志伟为他在电视剧《女人俱乐部》准备了个好角色，而与黄宝欣和李婉华犹如鐡三角的黎瑞恩，郑敬基亦有邀请。问到绯闻女友DJ玛姬，郑敬基表示:「佢会做嘉宾，会一齐合唱。」(文字来源: on.cc东网)