家父係东莞黄江客家人，七十年代来港，落地生根生咗我，照顾有加畀食畀住，却如不少来港父母一样，未能传落「乡下话」。 我安然加理所当然以香港人身份生活咗廿几年，亦从未谂过(半隻)客家人唔识讲客家话有咩问题。有刻惊醒呢个可以係个「问题」，遂捉住阿爸教讲客家话，日讲夜讲，除咗听到噏到两句自家话外，亦扯出家乡文化，同埋佢来港前后嘅故仔。 识讲一两句客家话，并冇动摇我根深蒂固嘅香港人身份，但就多咗重唔多觉眼，有时觉耳嘅客家人身份。 呢两年同阿爸学讲客家话嘅对话，拼凑出客家话同阿爸漂流嘅故事，重塑小弟学习客家话嘅过程。以香港字标识客家音，生出唔客唔港嘅「语言」，可会係上一辈由中国各地来港，同祖宗语言文化分割嘅「香港人」缩影？ 详情请浏览: http://www.yipkaichuns.com/ngai2he4hiong1gong3ngin3/