呢一个係非一般既嘉年华，佢地係一班学生哥，自从佢地五年前去过尼泊尔探访过「未来之村」既村民后，就深深爱上呢一个地方。不过，係去年四月二十五日，尼泊尔就发生左七点八级大地震；好彩，当地村民无人命伤亡，不过佢地既屋就震烂晒。 佢地哩班学生哥就响啱啱既圣诞节返去「未来之村」探过啲村民，发现无当地政府既支援下，佢地完全唔能够开始重建既工作。所以，佢地联同「未来之村」(Future Village）同香港建筑义工团体(IDEA Foundation)，胆粗粗搅左哩个「筑。动未来斗智斗力慈善嘉年华」，希望多d人认识「未来之村」，筹募多啲资金比村民兴建防震屋。 今次活动以尼泊尔 x 摇控车做主题，一定啱晒一家大细一齐玩。等我地简单介绍下嘉年华有咩玩先！ 尼泊尔 x 摇控车比赛 有咩斗：置身尼泊尔山区内既摇控车比赛，听落係咪觉得好刺激呢？一个绕圈计时赛，比你一嚐玩摇控车既滋味...当日比赛最高分数既朋友，会有大奖呀！一定令人乐而忘返。 防震屋知多少 有咩搅：透过自己DIY屋仔，佢地会话你知今次重建既防震屋原理，仲有哩次兴建既防震屋点样可以融合当地人既参与。你整既屋仔仲会放係摇控车既赛道入面，寓意我地每一个都有份帮「未来之村」既村民起防震屋！ 尼泊尔大变身 有咩试：你可以有机会穿上尼泊尔既服装，了解佢地独有既衣着文化，而且仲有得帮你影埋沙龙添，你话正唔正呢～ Namaste潮语课室 有咩学：着完尼泊尔衫，由地道尼泊尔人教番你几句尼泊尔潮语。而且佢地仲有寄postcard服务，你可以亲手写postcard比「未来之村」既小朋友，迟d佢地就会直接拎去送比佢地，佢地仲会回番张postcard比你添呀！係咪好正呢～ 「未来之村」知多少 有咩睇：除左了解尼泊尔，仲会透过「未来之村」地震后既实况短片、直击访问「未来之村」两位发起人，比你犹如亲身到左当地了解「未来之村」既情况呀！ 尼国阿信屋 有咩食：玩到累就梗係揾个位坐下，品嚐尼泊尔地道及本地既小食及饮品。未食过尼泊尔小食既你唔好错过呀！

---

捐款/报名小贴示： 1. 把善款存入汇丰银行账号并保留收据： 848-275293-001 (IDEA Foundation LTD) 2. 到http://goo.gl/forms/k1tXYUEbnh填上个人资料，上载入数纸，要求领取收据 3. 恭喜你！你已完成捐款/报名。 4. 请继续转发我地活动既page比你既朋友。https://www.facebook.com/bthbtf/ 筑。动未来斗智斗力慈善嘉年华: https://www.facebook.com/bthbtf/ 未来之村(尼泊尔): https://www.facebook.com/future.village.nepal/ 香港建筑义工团体: https://www.facebook.com/IDEA.Project.HK 有心人义工服务计划: https://www.facebook.com/PeopleWithHeart/