趁墟 can3 heoi1：去墟市买嘢、睇正嘢、凑热闹 今次「CRE沥卡啦」同你一齐赶趁墟，重回旧时香港，感受怀旧墟市。 CRECRA 首次主办嘅市集「CRE 沥卡啦赶趁墟」将会喺復活节假期期间3月25 - 27日举行。拥有百年歷史嘅三级歷史建筑物—饶宗颐文化馆摇身一变，变成充满传统味道嘅港式墟市，除咗各式各样嘅手作设计档位外，仲会有好多唔同嘅港式传统活动。快啲叫埋亲戚朋友、姨妈姑姐，一家大细嚟赶趁墟、凑热闹啦喂！而每逢3月都係饶宗颐文化馆内嘅羊蹄甲盛开嘅日子，唔洗搭车又搭飞机就睇到遍地开花嘅靓景，仲唔快啲嚟一路赏花一路行市集感受香港墟市嘅气氛！ 想即时收到最新资讯？快啲Like 同Follow 「CRE沥卡啦」 Facebook 同Instagram 啦！ 趁墟名单 今次「CRE沥卡啦赶趁墟」将有超过50个各有特色嘅品牌一齐趁墟。当中我哋仲邀请咗13个来自台湾同内地嘅品牌嚟一齐摆档！ 想了解每个手作品牌嘅特色，大家可以留意「CRE沥卡啦」 Facebook 及Instagram 。 工作坊介绍 除咗市集外，同场仲有唔同嘅传统工艺工作坊畀大家参加，例如传统撕纸、剪纸、织草蜢、水墨画、流苏吊饰等等。大家仲可以优惠价报名参加okapi studio 嘅「传统手工香工作坊」！ 另外仲有十兄弟手作嘅蒸笼点心木盒工作坊、touchsoap 天然手工皂工作坊、拾坊种子再造纸、植屋苔玉工作坊等等。 各工作坊嘅详情将会不日公布，敬请密切留意啦！ 活动介绍 传统港式小食 - 邀请到砵仔王等传统港式小食店嚟摆档，俾大家一边趁墟一边享受怀旧小食。 「Show Me Craft 手作设计比赛2015 - 属于香港的"手"信」入围作品展览 - 30份入围作品终于出炉 (想先睹为快睇吓有咩作品，去CRECRA.com/SMC2015 望望啦)，墟友到时仲可以投选「我最喜爱香港『手』信」大奖！ 二手拾物 - 与Hong Kong Really Really Free Market (HKRRFM) 一个任睇任摆任攞的市场合作 - 嚟趁墟嘅朋友仔可以将屋企冇用、想俾其他人用嘅物品带到墟市，然后再带走墟市裡面指定区域内嘅物品。 占卦命理 - 茅山宏愿馆嘅石守中师傅将会嚟同大家分享风水命理，仲会帮大家睇相同埋用奇门遁甲算命。 墟市移动寻宝 - 只要喺墟市裡面揾齐手作设计师手作J 嘅5个印仔，并印上墟市寻宝地图，即可获得一份小礼物。 CRE沥卡啦赶趁墟 会场限定货品 - CRECRA 为咗今次市集，特意设计咗几款有趣又得意嘅会场限定货品，包括限定贴纸、Memo 纸同纸胶带等等，仲会encore 之前喺香港书展2015 入面大受欢迎嘅「Good Things Take Time」tote bag tim！数量有限，手快有，手慢冇㗎！ 一套22款嘅怀旧搞鬼贴纸喺会场限量发售，有东南西北、西瓜波、猪仔钱罂、妈咪麵及痰罐等等，留意住我哋「CRE沥卡啦」 Facebook 及Instagram 就可以知道佢哋嘅芦山真面目啦！