圣诞节又就嚟到喇!想同圣诞老人玩遊戏?今年淘大商场就会变身成为圣诞老人嘅秘密花园 ―「霓虹圣诞屋」同埋「圣诞互动飘雪馆」,等大家可以过一个幻彩飘雪圣诞!喺推广期内商场仲会有互动遊戏、限量版礼品换领同亲子互动工作坊等一系列嘅精彩节目,实行大人同小朋友都玩得开心! 「霓虹圣诞屋」由霓虹灯装饰组合而成,顾客入到去可以体验下圣诞老人嘅生活;而「圣诞互动飘雪馆」就可以感应到顾客嘅距离。当你一行近嘅时候,飘雪馆就会吹起片片雪花,非常有气氛㗎!顾客仲可以玩埋「电流光影急急棒」互动遊戏,挑战眼界同定力,赢咗仲会有丰富礼品同商户优惠券,真係有得玩又有得拎呀! 除此之外,喺活动期间,顾客只要喺商场消费满港币 500 元或以上,凭最多三张不同商户发出嘅即日机印电子单据,就可以换领限量版 Joy of Lights 座枱月曆乙个或者係别具型格的灯泡形玻璃樽乙个。如果顾客喺商场单一消费满港币 200 元或以上,即可参与圣诞亲子工作坊乙次,同小朋友一齐用 LED灯製作立体圣诞屋或者係可爱嘅圣诞挂饰。 而 12 月 25 日(星期日)圣诞节当日又点少得圣诞歌呢?淘大商场就邀请咗亚洲着名手铃团体「十一分音符手铃队」同本港着名无伴奏合唱组合 Republic-A 两大乐团莅临表演,等大家可以听住圣诞歌过圣诞。圣诞老人仲会喺指定日子嚟到商场,同顾客互动,大送圣诞小礼物,开开心心咁过圣诞!