11月11日，好多人都以为呢一日只係大陆光棍节，淘宝同埋其他网上购物平台都会推出优惠畀大家疯狂扫货，但其实呢一日亦都係第一次世界大战结束嘅日子—Remembrance Day（或称Armistice Day），一般会译做「国殇纪念日」或者係「退伍军人节」，而香港就称之为「和平纪念日」。 香港将「和平纪念日」定于每年11月嘅第二个星期日，纪念仪式由香港退伍军人联会主办。上週日（8日），联会就喺中环和平纪念碑举行纪念仪式。美国驻港澳总领事夏千福、英国驻港澳总领事吴若兰、多名立法会议员、退伍军人同宗教界代表均有出席，众人默哀两分钟后，喺和平纪念碑献上花圈。